पावसाळ्याच्या दिवसांमध्ये रोगप्रतिकारशक्ती वाढवण्यासाठी झटपट घरी बनवा मुगाचे पौष्टिक कढण! नोट करा पदार्थ

पावसाळ्याच्या दिवसांमध्ये नेहमीच हेल्दी आणि पौष्टिक पदार्थांचे सेवन करावे. म्हणूनच आज आम्ही तुम्हाला मुगाचे कढण बनवण्याची सोपी रेसिपी सांगणार आहोत. हा पदार्थ चवीला अतिशय सुंदर लागतो.

लहान मुलांपासून अगदी मोठ्यांपर्यंत सगळ्यांचं सूप प्यायला खूप जास्त आवडते. चिकन सूप, कडधान्यांचे सूप किंवा भाज्यांचा वापर करून सूप बनवले जाते. सूप पिणे आरोग्यासाठी अतिशय गुणकारी आहे. पावसाळ्याच्या दिवसांमध्ये घरी बनवलेल्या पदार्थांचे सेवन करावे.कारण बाहेरील तेलकट किंवा तिखट पदार्थ खाण्याऐवजी घरी बनवलेल्या पौष्टिक पदार्थांचे सेवन करावे. अजूनही अनेक घरांमध्ये पारंपरिक पदार्थ बनवले जातात. त्यात पावसाळ्याच्या दिवसांमध्ये आवर्जून बनवला जाणारा पदार्थ म्हणजे मुगाचे कढण. मूग खाणे आरोग्यासाठी गुणकारी आहे. मुगाचे काढणं तुम्ही वर्षाच्या बाराही महिने सकाळच्या नाश्त्यात किंवा इतर वेळी भूक लागल्यानंतर तुम्ही मुगाचे कढण बनवून पिऊ शकता. यामुळे वाढलेले वजन कमी होण्यास मदत होईल आणि शरीराची कमकुवत झालेली रोगप्रतिकारशक्ती सुधारेल. चला तर जाणून घेऊया मुगाचे काढणं बनवण्याची सोपी रेसिपी.(फोटो सौजन्य – pinterest)

भाकरी किंवा भातासोबत खाण्यासाठी गावरान पद्धतीमध्ये बनवा शेवग्याच्या शेंगांचं पिठलं! नोट करा मराठमोळी रेसिपी

साहित्य:

• भिजवलेले मूग
• तूप
• हिंग
• जिरं
• कोथिंबीर
• लसूण
• मीठ

सकाळी होईल स्पेशल! घाईगडबडीमध्ये नाश्त्यासाठी झटपट बनवा उपवासाचे साबुदाणा पॅटीस, नोट करा रेसिपी

कृती:

• मुगाचे कढण बनवण्यासाठी सर्वप्रथम, मूग स्वच्छ धुवून रात्रभर पाण्यात भिजत ठेवा. त्यानंतर सकाळी कुकरमधून मूग शिजवून घ्या.
• कुकरमध्ये शिजवून घेतलेले मूग टोपात काढून त्यात 2ग्लास पाणी घालून पुन्हा एकदा उकळवण्यासाठी ठेवा.
• त्यानंतर त्यात चवीनुसार मीठ घालून व्यवस्थित शिजवून घ्या.
• फोडणीच्या भांड्यात तूप गरम करून त्यात जिरं, बारीक चिरून घेतलेले लसूण, कोथिंबीर, हिंग घालून फोडणी व्यवस्थित भाजून घ्या.
• तयार केलेली फोडणी मुगाच्या मिश्रणात ओतून गॅसवर ठेवून शिजवा. तयार आहे सोप्या पद्धतीमध्ये बनवलेल्या मुगाचे कढण.