उन्हाळा सुरु झाला, आपल्या जेवणात आवर्जून समाविष्ट करा ‘काकडीचा रायता’, 5 मिनिटांची रेसिपी नोट करा

Cucumber Raita Recipe : काकडीचा रायता गरमा गरम जेवणासोबत चवीला फार छान लागतो. उन्हाळ्यात वातावरणाची उष्णता प्रचंड वाढते, अशावेळी थंडगार रायता जेवणात समाविष्ट केल्याने आरोग्याला अनेक फायदे मिळतील.

• उन्हाळ्यात उष्णता प्रचंड वाढते.
• अशा उष्ण तापमानात शरीराला थंड करणारे पदार्थ खावेत.
• काकडीचा रायता उन्हाळ्यात आवर्जून खाल्ला जातो.

उन्हाळ्याच्या दिवसांत हलके, थंड आणि पोटाला आराम देणारे पदार्थ खाण्याची इच्छा होते. अशा वेळी दह्यापासून बनवलेला काकडीचा रायता हा एक उत्तम पर्याय ठरतो. काकडीमध्ये पाण्याचे प्रमाण जास्त असल्यामुळे शरीराला थंडावा मिळतो आणि दही पचनासाठी खूप फायदेशीर मानले जाते. त्यामुळे हा रायता चविष्ट असण्यासोबतच आरोग्यासाठीही चांगला असतो.

सध्या जेवणाला येईल चटपटीत चव! जिभेची चव वाढवण्यासाठी घरीच बनवा आंबटगोड लिंबाचे लोणचं, नोट करून घ्या रेसिपी

भारतीय जेवणात रायत्याला विशेष स्थान आहे. पुलाव, बिर्याणी, पराठा किंवा साध्या जेवणासोबतही काकडीचा रायता खूप छान लागतो. कमी वेळात आणि अगदी सोप्या पद्धतीने तयार होणारा हा रायता घरात कोणालाही सहज बनवता येतो. मसाल्यांचा हलका स्वाद आणि काकडीची कुरकुरीत चव यामुळे हा रायता जेवणाची मजा आणखी वाढवतो. चला तर मग याची रेसिपी जाणून घेऊया.

साहित्य

• 1 कप दही
• 1 मध्यम आकाराची काकडी (किसलेली)
• 1/2 टीस्पून भाजलेले जिरेपूड
• मीठ चवीनुसार
• 1 हिरवी मिरची बारीक चिरलेली
• थोडी कोथिंबीर चिरलेली

Summer Drink : उन्हाळ्यात शरीर मिळवून द्या थंडावा, पारंपारिक पद्धतीत घरी बनवा आंबट-गोड चवीचा ‘कोकम सरबत’

कृती

• सर्वप्रथम काकडी स्वच्छ धुऊन किसून घ्या.
• एका भांड्यात दही घेऊन ते चांगले फेटून घ्या.
• फेटलेल्या दह्यात किसलेली काकडी घाला.
• आत त्यात मीठ आणि जिरेपूड घाला.
• आता बारीक चिरलेली हिरवी मिरची घालून सगळे नीट मिसळा.
• वरून चिरलेली कोथिंबीर घालून सजवा.
• थंडगार काकडीचा रायता तयार आहे.
• हा स्वादिष्ट आणि थंडगार काकडीचा रायता तुम्ही पुलाव, पराठा किंवा साध्या जेवणासोबत सर्व्ह करू शकता.