संध्याकाळच्या नाश्त्यात झटपट बनवा हेल्दी टेस्टी Mushroom Toast, प्रोटीनयुक्त पदार्थ सगळ्यांचं खूप जास्त आवडेल

संध्याकाळच्या नाश्त्यासाठी तुम्ही सोप्या पद्धतीमध्ये मशरूम टोस्ट बनवू शकता. हा पदार्थ लहान मुलांसह मोठ्यांना खूप जास्त आवडेल. मशरूममध्ये भरपूर प्रमाणात प्रोटीन आढळून येते.

संध्याकाळच्या वेळी प्रत्येकाला काहींना काही खाण्याची इच्छा होते. भूक लागल्यानंतर नेहमीच बाहेरून विकत आणलेले पदार्थ खाल्ले जातात. सामोसा, शेवपुरी, चाट, वडापाव, भजी इत्यादी अनेक पदार्थ खाल्ले जातात. पण नेहमीच तेलकट आणि तिखट पदार्थांचे सेवन केल्यामुळे शरीरात कोलेस्ट्रॉलची पातळी वाढण्याची शक्यता असते. त्यामुळे नाश्त्यात कायमच घरी बनवलेल्या पदार्थांचे सेवन करावे. आज आम्ही तुम्हाला सोप्या पद्धतीमध्ये मशरूम टोस्ट बनवण्याची रेसिपी सांगणार आहोत. बाजारात कायमच मशरूम उपलब्ध असतात. आरोग्यासाठी मशरूम सुपरफूड मानले जाते. यामध्ये असलेले प्रथिने शरीरातील हाडे मजबूत ठेवण्यास मदत करतात. त्यामुळे आठवड्यातून एकदा तरी मशरूमचे सेवन करावे. मशरूमची चव पाणचट असते, त्यामुळे मशरूम खाण्यास लहान मुलं कायमच नकार देतात. अशावेळी तुम्ही मुलांसाठी मशरूम टोस्ट बनवू शकता. चला तर जाणून घेऊया मशरूम टोस्ट बनवण्याची सोपी रेसिपी. (फोटो सौजन्य – istock)

आंबवलेले पदार्थ खायचा कंटाळा आला असेल तर सोप्या पद्धतीमध्ये सकाळच्या नाश्त्यात बनवा मसूर डाळीचा कुरकुरीत डोसा

साहित्य:

• मशरूम
• ब्रेड
• कांदा
• बटर
• लसूण पाकळ्या
• काळीमिरी पावडर
• चिली फ्लेक्स
• कोथिंबीर
• मीठ
• मिरचीचे तुकडे

शेफ विष्णू मनोहर स्पेशल रेसिपी! घरच्या घरी सोप्या पद्धतीमध्ये बनवा कुरकुरीत चमचमीत मसाला पापड, जाणून घ्या ट्रिक्स

कृती:

• मशरूम टोस्ट बनवण्यासाठी सर्वप्रथम, कढईमध्ये बटर घालून गरम करून घ्या. त्यानंतर त्यात बारीक चिरून घेतलेली लसूण आणि कांदा घालून व्यवस्थित लाल होईपर्यंत भाजा.
• त्यानंतर त्यात बारीक चिरून घेतलेले मशरूम घालून काहीवेळ शिजवून घ्या. मशरूममधील पाणी निघून जाईपर्यंत मशरूम शिजवून घ्या.
• त्यानंतर त्यात काळीमिरी पावडर, चवीनुसार मीठ, चिली फ्लेक्स, ओरिगानो, हिरव्या मिरचीचे तुकडे घालून मिक्स करा.
• तवा गरम करून त्यावर ब्रेड भाजून घ्या. त्यानंतर ब्रेडवर तयार केलेले मशरूमचे सारण भरून वरून किसलेले चीज आणि बारीक चिरलेली कोथिंबीर घालून पुन्हा एकदा टोस्ट करण्यासाठी ठेवा.
• तयार आहे सोप्या पद्धतीमध्ये बनवलेला हेल्दी आणि चविष्ट मशरूम टोस्ट. हा पदार्थ सगळ्यांचं खूप जास्त आवडेल.