लहान मुलांच्या आवडीचे नाचोस चाट आता घरीच बनवा, पदार्थ पाहून मुलं होतील आनंदी

लहान मुलांना मसालेदार पदार्थ खायला खूप आवडतात. त्यातील मुलानांच्या आवडीचा पदार्थ नाचोस. नाचोस नुसतेच खाऊन कंटाळा आल्यानंतर काहींना काही नवीन हवं असत. अशावेळी तुम्ही नाचोस चाट बनवू शकता.

लहान मुलांना संध्याकाळच्या वेळी भूक लागल्यानंतर खायला काय द्यावे? असा प्रश्न पालकांना पडतो. अनेकदा मुलं बाहेरचे तेलकट पदार्थ खाण्याचा हट्ट करतात. पण सतत तेलकट किंवा तिखट पदार्थ खाल्यामुळे आरोग्य बिघडण्याची शक्यता असते. लहान मुलांना कमीत कमी बाहेरच्या पदार्थांचे सेवन करण्यास द्यावे, जेणेकरून त्यांचे आरोग्य निरोगी राहतील. सतत बाहेरच्या पदार्थांचे सेवन केल्यामुळे पचनक्रिया बिघडून जाते. पोट दुखी किंवा इतर समस्या उद्भवण्याची शक्यता असते. त्यामुळे लहान मुलांना सतत बाहेरचे पदार्थ खाण्यास देऊ नये. लहान मुलांच्या आरोग्यासाठी पौष्टिक असलेले आणि पचनास हलके असलेल्या पदार्थांचे सेवन करण्यास द्यावे. त्यामुळे आज आम्ही तुम्हाला कुरकुरीत नाचोस चाट बनवण्याची सोपी रेसिपी सांगणार आहोत. हे नाचोज चाट बनवण्यासाठी फार कमी वेळ लागतो. घाईगडबडीमध्ये असल्यानंतर तुम्ही मुलांना हा पदार्थ बनवून देऊ शकता. चला तर जाणून घेऊया नाचोज चाट बनवण्याची सोपी रेसिपी.(फोटो सौजन्य-istock)

हे देखील वाचा: चहा पिण्याने होतोय त्रास, तर 20 मिनिट्स आधी खा असे बदाम

साहित्य:

• नाचोस
• कांदा
• टोमॅटो
• काकडी
• मेयोनीज
• चाट मसाला
• काळे मीठ
• मक्याचे दाणे
• हिरवी मिरची
• कोथिंबीर
• सॉस
• लाल तिखट
• बारीक शेव

हे देखील वाचा: हळदीचा फेस पॅक ‘या’ गोष्टींनी घरच्या घरी तयार करा, मिळतील आश्चर्यकारक फायदे

कृती:

• कुरकुरीत नाचोस चाट बनवण्यासाठी सर्वप्रथम कांदा, टोमॅटो, काकडी बारीक चिरून घ्या.त्यानंतर त्यात बारीक चिरून घेतलेली हिरवी मिरची टाकून मिक्स करा.
• नंतर त्यात मेयोनीज, सॉस,चाट मसाला, तिखट आणि काळे मीठ टाकून व्यवस्थित मिस्क करून घ्या.
• मिश्रण तयार झाल्यानंतर काहीवेळ बाजूला ठेवून घ्या.
• मोठ्या वाटीमध्ये किंवा ताटात नाचोस पसरवून घ्या. त्यानंतर त्यावर तयार केलेले मिश्रण टाकून सगळीकडे पसरवून घ्या.
• नंतर त्यावर मक्याचे उकडलेले दाणे टाका. सगळ्यात शेवटी चाटवर बारीक शेव आणि चीझ टाकून सर्व्ह करा.