चहासोबत खाण्यासाठी ५ मिनिटांमध्ये बनवा चटपटीत मॅगीची भेळ, लहान मुलांसह मोठ्यांसुद्धा नक्की आवडेल

लहान मुलांना मॅगी खायला खूप आवडते. पण मॅगीपासून कोणताही वेगळा पदार्थ खाण्याची इच्छा झाल्यास तुम्ही मॅगी भेळ सोप्या पद्धतीमध्ये बनवू शकता. चला तर जाणून घेऊया मॅगी भेळ बनवण्याची सोपी रेसिपी.

मॅगी हा पदार्थ लहान मुलांपासून मोठ्यांपर्यंत सगळ्यांचं खूप आवडतो. साधी मॅगी, मसाला मॅगी, चीज मॅगी, चायनीज मॅगी इत्यादी अनेक वेगवेगळ्या प्रकारे मॅगी बनवली जाते. मॅगी खाल्यानंतर पोटही भरते आणि लवकर भूक लागत नाही. मॅगी पकोडा, तडका मॅगी, पनीर मॅगी, मॅगीची पाणीपुरी इत्यादी अनेक वेगवेगळे पदार्थ हल्ली बाजारात विकत मिळू लागले आहेत. त्यामुळे आज आम्ही तुम्हाला सकाळच्या नाश्त्यात मॅगीची भेळ बनवण्याची सोपी रेसिपी सांगणार आहोत. तुम्ही बनवलेली मॅगीची भेळ लहान मुलांपासून ते अगदी मोठ्यांपर्यंत सगळ्यांचं खूप आवडेल. सकाळच्या नाश्त्यात किंवा संध्याकाळची छोटी मोठी भूक भागवण्यासाठी तुम्ही मॅगीची भेळ खाऊ शकता. मॅगीची भेळ बनवण्यासाठी जास्त वेळ लागत नाही. शिवाय या पदार्थासाठी कमी साहित्य लागते. चला तर जाणून घेऊया मॅगीची भेळ बनवण्याची सोपी कृती.(फोटो सौजन्य – iStock)

साधा डोसा खाऊन कंटाळा आला? मग सोप्या पद्धतीमध्ये घरी बनवा रवा पालक डोसा, वाचा झटपट होणारी रेसिपी

साहित्य:

• मॅगी
• कांदा
• टोमॅटो
• लिंबाचा रस
• कोथिंबीर
• लाल तिखट
• हळद
• चाट मसाला
• टोमॅटो सॉस
• रेड चिली सॉस
• हिरवी मिरची
• शेंगदाणे

घाईगडबडीमध्ये सकाळच्या नाश्त्यासाठी झटपट बनवा फोडणी देऊन बनवलेली ताकाची उकड, नोट करून घ्या पदार्थ

कृती:

• मॅगीची भेळ बनवण्यासाठी सर्वप्रथम, पॅनमध्ये बटर टाकून त्यात कच्ची मॅगी टाकून सोनेरी रंग येईपर्यंत भाजून घ्या.
• त्यानंतर त्याच पॅनमध्ये शेंगदाणे टाकून लाल होईपर्यंत व्यवस्थित भाजा.
• मोठ्या बाऊलमध्ये भाजून घेतलेली मॅगी, शेंगदाणे, कांदा, टोमॅटो, कोथिंबीर टाकून मिक्स करा.
• नंतर त्यात चवीनुसार मीठ, लाल तिखट मसाला, चाट मसाला, मॅगी मसाला घालून पुन्हा एकदा चमच्याने मिक्स करा.
• सगळ्यात शेवटी तयार केलेल्या भेळमध्ये लिंबाचा रस, बारीक चिरलेली हिरवी मिरची, चिली सॉस, टोमॅटो सॉस टाकून मिक्स करा.
• तयार आहे सोप्या पद्धतीमध्ये बनवलेली मॅगीची भेळ. हा पदार्थ सगळ्यांना नक्कीच आवडेल.