साधा डोसा खाऊन कंटाळा आला? मग सोप्या पद्धतीमध्ये घरी बनवा रवा पालक डोसा, वाचा झटपट होणारी रेसिपी

लहान मुलं पालक खाण्याचा कंटाळा करतात. अशावेळी तुम्ही सोप्या पद्धतीमध्ये रवा पालक डोसा बनवू शकता. हा डोसा हिरव्या चटणीसोबत अतिशय सुंदर लागेल. चला तर जाणून घेऊया रवा पालक डोसा बनवण्याची सोपी रेसिपी.

सोप्या पद्धतीमध्ये घरी बनवा रवा पालक डोसा

Follow Us:

Follow Us:

लहान मोठ्या सगळ्यांचं डोसा हा पदार्थ खूप आवडतो. भारतासह जगभरात सगळीकडे साऊथ इंडियन पदार्थ प्रसिद्ध आहेत. साऊथ इंडियन पदार्थांची चव युनिक असल्यामुळे अनेकांना हे पदार्थ खायला खूप आवडतात. इडली, डोसा, सांबर, आप्पे, उपमा इत्यादी पदार्थ सर्वच घरांमध्ये सकाळच्या नाश्त्यासाठी बनवले जातात. याशिवाय सगळ्यात जास्त फेमस असणारा पदार्थ म्हणजे डोसा. साधा डोसा, मसाला डोसा, मैसूर डोसा इत्यादी अनेक डोसाचे प्रकार आहेत. मात्र आज आम्ही तुम्हाला रवा पालक डोसा बनवण्याची सोपी रेसिपी सांगणार आहोत. कमीत कमी वेळात झटपट नाश्ता बनवण्याचा असेल तर तुम्ही रवा पालक डोसा बनवू शकता. हा डोसा बनवताना पालकचा जास्त वापर करावा. कारण लहान मुलांसह मोठ्यांना पालेभाज्या खायला आवडत नाही. अशावेळी पालेभाज्यांपासून बनवलेले पदार्थ मुलांना खाण्यास द्यावे. चला तर जाणून घेऊया रवा पालक डोसा बनवण्याची सोपी रेसिपी.(फोटो सौजन्य – iStock)

नाश्त्यासाठी चवदार पदार्थ हवा असेल तर सोप्या पद्धतीमध्ये बनवा क्रिस्पी ब्रेड कबाब, वाचा सोपी रेसिपी

साहित्य:

• रवा
• पालक
• मीठ
• दही
• हिरवी मिरची
• आलं
• बेकिंग सोडा

Mahashivratri: यंदाच्या वर्षी महाशिवरात्रीच्या उपवासात बनवा चविष्ट पौष्टिक वरीची इडली, पचनास आहे हलकी

कृती:

• रवा पालक डोसा बनवण्यासाठी सर्वप्रथम, पालक साफ करून पाण्याने स्वच्छ धुवून घ्या. त्यानंतर बारीक चिरा.
• मिक्सरच्या भांड्यात बारीक चिरून घेतलेला पालक, हिरवी मिरची आणि आल्याचा बारीक तुकडा टाकून पेस्ट तयार करा.
• त्यानंतर टोपात रवा घेऊन त्यात दही मिक्स करा. नंतर तयार करून घेतलेली पालकची पेस्ट टाकून व्यवस्थित मिक्स करून चवीनुसार मीठ टाका.
• आवश्यकतेनुसार पाणी घालून सगळ्यात शेवटी बेकिंग सोडा टाकून मिक्स करा.
• तवा गरम करून तव्यावर तेल लावून वरून डोसाचे बॅटर टाकून पसरवून घ्या. दोन्ही बाजूने डोसा व्यवस्थित भाजल्यानंतर खाण्यासाठी सर्व्ह करा.
• तयार आहे सोप्या पद्धतीमध्ये बनवलेला रवा पालक डोसा.

Web Title: How to make rava palak dosa at home morning breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com