भाजी काय बनवावी सुचत नाही? ५ मिनिटांमध्ये झटपट बनवा चमचमीत कांद्याची चटणी, नोट करा रेसिपी

बऱ्याचदा घरात नेमकी काय भाजी बनवावी? हे सुचत नाही. अशावेळी तुम्ही सोप्या पद्धतीमध्ये झटपट कांद्याची चटणी बनवू शकता. हा पदार्थ कोणत्याही भाकरीसोबत किंवा चपातीसोबत अतिशय चविष्ट लागेल.

जेवण बनवण्यासाठी लागणारा प्रमुख पदार्थ म्हणजे कांदा. कोणतीही भाजी, आमटी, डाळ किंवा इतर नाश्त्यातील पदार्थ बनवताना कांद्याचा वापर केला जातो. बऱ्याचदा सकाळच्या डब्यासाठी किंवा जेवणात नेमकी काय भाजी बनवावी? हे सुचत नाही. नेहमीच भेंडी, गवार किंवा कडधान्य खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही ५ मिनिटांमध्ये झटपट कांद्याची चटणी बनवू शकता. कांद्याचा वापर करून अनेक वेगवेगळे पदार्थ बनवले जातात. कारण कांदा आरोग्यासाठी अतिशय गुणकारी आणि पौष्टिक आहे. कांद्याच्या सेवनामुळे केसांसंबधित समस्यांपासून सुटका मिळते. केस गळती थांबून केस अतिशय चमकदार आणि मजबूत होतात. सर्वच लहान मुलांना चवीला तिखट असलेला कांदा ख्याल आवडत नाही. अशावेळी तुम्ही मुलांना कांद्याची चटणी किंवा इतर पदार्थ बनवून खाण्यास देऊ शकता. चला तर जाणून घेऊया कांद्याची चटणी बनवण्याची सोपी रेसिपी.(फोटो सौजन्य – pintrest)

सकाळचा नाश्ता करा हटके; घरी बनवा खमंग दुधीचे थालीपीठ, झटपट तयार होते रेसिपी

साहित्य:

• कांदा
• लाल तिखट
• मीठ
• तेल
• शेंगदाण्याचा कूट
• लसूण
• कोथिंबीर
• लिंबाचा रस

संध्याकाळचा नाश्ता थोडा चिजी होऊन जाऊद्यात; घरी बनवा सर्वांच्या आवडीचा Mac And Cheese

कृती:

• कांद्याची चटणी बनवण्यासाठी सर्वप्रथम, कांद्याची साल काढून घ्या आणि कांदा बारीक चिरून घ्या.
• वाटीमध्ये बारीक चिरलेला कांदा, कोथिंबीर, बारीक चिरून घेतलेली लसूण टाकून मिक्स करा. त्यानंतर त्यात चवीनुसार मीठ, लाल तिखट आणि शेंगदाण्याचा कूट टाकून मिक्स करा.
• पॅनमध्ये तेल गरम करण्यासाठी ठेवा. कडक गरम झालेले तेल कांद्याच्या मिश्रणात ओतून मिक्स करा. वरून लिंबाचा रस टाकून मिक्स करा.
• सर्व साहित्य व्यवस्थित मिक्स केल्यानंतर कांद्याची चटणी सर्व्ह करा.
• कांद्याच्या चटणी तुम्ही चपाती, भाकरी किंवा इतर कोणत्याही पराठ्यासोबत खाऊ शकता. तुम्ही बनवलेला हा पदार्थ घरातील सगळ्यांचं खूप जास्त आवडेल.