जेवणात दोन चपात्या जातील अधिक! सोप्या पद्धतीमध्ये बनवा चटकदार कांद्याची कोशिंबीर, वाचा सोपी रेसिपी

जेवणातील वेगवेगळे पदार्थ बनवताना कांद्याचा वापर केला जातो. पण काहींना नुसताच कांदा खायला आवडत नाही. अशावेळी तुम्ही त्यांना कांद्याची कोशिंबीर बनवून देऊ शकता. चला तर जाणून घेऊया कांद्याची कोशिंबीर बनवण्याची सोपी रेसिपी.

भारतीय स्वयंपाक घरात जेवण बनवण्यासाठी कांद्याचा वापर केला जातो. कांद्याशिवाय जेवणाला चवच लागत नाही. जेवणात जर कांदा नसेल तर जेवण जेवल्यासारखे वाटतं नाही. तर अनेकांना जेवणात तोंडी लावण्यासाठी कांदा लागतो. कांद्याशिवाय जेवणाचं पूर्ण होत नाही. कांद्याचा वापर वेगवेगळे पदार्थ बनवण्यासाठी केला जातो. त्यामुळे आज आम्ही तुम्हाला कांद्याची कोशिंबीर कशी बनवावी याची सोपी रेसिपी सांगणार आहोत. जेवणात काहींना रोज चटकदार आणि चवदार पदार्थ हवे असतात. पण रोज रोज नेमकं काय बनवावं? असा प्रश्न जर तुम्हाला पडला असेल तर तुम्ही कांद्याची कोशिंबीर बनवू शकता. हा पदार्थ बनवण्यासाठी जास्त वेळ लागत नाही. कमीत कमी साहित्यामध्ये कांद्याची कोशिंबीर तयार होते. चला तर जाणून घेऊया रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• कांदे
• हळद
• धणे पावडर
• काळ मीठ
• लाल तिखट
• गरम मसाला
• चाट मसाला
• काळीमिरी पावडर
• हिरवी मिरची
• कोथिंबीर
• तेल
• आमचूर पावडर

नवनवीन रेसिपीसाठी इथे क्लिक करा

कृती:

• कांद्याची कोशिंबीर बनवण्यासाठी सर्वप्रथम, कांदा सोलून स्वच्छ धुवून घ्या. त्यानंतर कांद्याचे पातळ काप करा.
• मोठ्या बाऊलमध्ये चिरून घेतलेला कांदा, हळद, लाल तिखट, गरम मसाला, चाट मसाला आणि चवीनुसार काळ मीठ टाकून मिक्स करून घ्या.
• नंतर त्यात बारीक चिरून घेतलेली हिरवी मिरची, तेल, आमचूर पावडर आणि कोथिंबीर टाकून मिक्स करून घ्या.
• सगळ्यात तयार कांद्याच्या कोशिंबीरमध्ये लिंबाचा रस टाकून व्यवस्थित मिक्स करा.
• तयार आहे सोप्या पद्धतीमध्ये बनवलेली कांद्याची कोशिंबीर.