जिभेवर कायमच चव राहील रेंगाळत! १० मिनिटांमध्ये झटपट बनवा लालसर झणझणीत कांद्याचा ठेचा, नोट करून घ्या रेसिपी

जेवणात भाजी बनवण्याचा कंटाळा आल्यानंतर तुम्ही झटपट कांद्याचा चविष्ट ठेचा बनवू शकता. हा पदार्थ भात, चपाती किंवा भाकरीसोबत अतिशय सुंदर लागतो. चला तर जाणून घेऊया कांद्याचा ठेचा बनवण्याची सोपी रेसिपी.

झणझणीत चवीचा ठेचा हा पारंपरिक पदार्थ आहे. लहान मुलांपासून अगदी मोठ्यांपर्यंत सगळ्यांचं हिरवी मिरची आणि शेंगदाण्यांपासून बनवलेला ठेचा खायला खूप जास्त आवडतो. गरमागरम भाकरीसोबत किंवा चपातीसोबत तुम्ही ठेचा खाऊ शकता. बऱ्याचदा रात्रीच्या किंवा सकाळच्या जेवणात भाजी बनवण्याचा कंटाळा आल्यानंतर नेमकं काय बनवावं सुचत नाही? अशावेळी तुम्ही झटपट कांद्याच्या ठेचा बनवू शकता. कांद्याच्या ठेचा बनवण्यासाठी जास्त वेळ लागत नाहीत. कमीत कमी साहित्यात झटपट तयार होणारे पदार्थ बनवायला बनवायला सगळ्यांचं खूप जास्त आवडते. लहान मुलं कांदा खाण्यास कायमच नकार देतात. भाजीत किंवा इतर कोणत्याही पदार्थांमध्ये कांदा टाकल्यास तो बाहेर काढून टाकला जातो. कांद्याच्या सेवनामुळे भरमसाट फायदे होतात. ठेचा बनवताना हिरव्या मिरच्यांचा वापर करण्याऐवजी लाल सुक्या मिरच्यांचा वापर करावा. यामुळे ठेचला एक वेगळीच चव येते. याशिवाय कांद्याचा ठेचान आठवडाभर व्यवस्थित टिकून राहतो. चला तर जाणून घेऊया झणझणीत कांद्याचा ठेचा बनवण्याची सोपी रेसिपी. (फोटो सौजन्य – istock)

जेवणात तोंडी लावण्यासाठी झटपट बनवा खमंग कढीपत्त्याची चटणी! महिनाभरात थांबेल केस गळती, केस होतील लांबलचक

साहित्य:

• लसूण
• कांदा
• शेंगदाणे
• पांढरे तीळ
• सुकं खोबर
• मीठ
• लाल तिखट
• तेल

बाळंतीणीसाठी सकाळच्या नाश्त्यात पारंपरिक पद्धतीमध्ये बनवा बाजरीच्या पिठाची पेज, पौष्टिक पदार्थाने करा दिवसाची सुरुवात

कृती:

• कांद्याचा ठेचा बनवण्यासाठी सर्वप्रथम, कांद्याची साल काढून कांद्याचे बारीक तुकडे करून घ्या. लसूण पाकळ्या सालीसहित वापरू नये.
• तवा गरम करून त्यावर सुक्या खोबऱ्याचा किस, शेंगदाणे, पांढरे तीळ, कांदा आणि लसूण पाकळ्या गरम करून घ्या. यामुळे ठेचा जास्त दिवस व्यवस्थित टिकून राहील.
• मिक्सरच्या भांड्यात भाजून घेतलेले सर्व साहित्य जाडसर बारीक वाटून घ्या. त्यानंतर त्यात चवीनुसार मीठ आणि लाल तिखट घालून पुन्हा एकदा बारीक करा.
• ठेचा बनवताना तो जास्त बारीक करू नये. यामुळे चव बिघडण्याची शक्यता असते. तयार आहे सोप्या पद्धतीमध्ये बनवलेला कांद्याचा ठेचा.
• कांद्याचा ठेचा तुम्ही गरमागरम भातासोबत किंवा भाकरी, चपातीसोबत खाऊ शकता.