संत्र्याची साल फेकून देण्याऐवजी घरी बनवा पौष्टिक आणि चटपटीत संत्र्याच्या सालीचे लोणचं

लहान मुलांसह मोठ्यांना लोणचं खायला खूप आवडतं. आत्तापर्यंत तुम्ही कैरीचे लोणचं खाल्ले असेल पण आज आम्ही तुम्हाला संत्र्यांच्या सालीचे लोणचं बनवण्याची सोपी रेसिपी सांगणार आहोत. चला तर जाणून घेऊया.

हिवाळा ऋतूमध्ये बाजारात मोठ्या प्रमाणावर संत्री उपलब्ध असतात. संत्री खाल्यामुळे आरोग्याला अनेक फायदे होतात. दैनंदिन आहारात संत्र्याचे सेवन केल्यामुळे सर्दी खोकल्याच्या समस्येपासून सुटका मिळण्यास मदत होते. शिवाय यामुळे आरोग्य सुधारते. संत्र्यामध्ये विटामिन सी मुबलक प्रमाणात आढळून येते, ज्याचा फायदा त्वचा आणि केसांना होतो. बाजारात अनेक वेगवेगळ्या प्रकारची लोणचं मिळतात. आवळ्याचे लोणचं, गाजर लोणचं, कैरीचे लोणचं, मिरचीचे लोणचं पण तुम्ही कधी संत्र्याच्या सालीचे लोणचं खाल्ले आहे का? आज आम्ही तुम्हाला सोप्या पद्धतीमध्ये संत्र्याच्या सालीचे लोणचं बनवण्याची सोपी कृती सांगणार आहोत. या पद्धतीने लोणचं तयार केल्यास चव अतिशय सुंदर आणि चटकदार लागेल. लहान मुलांपासून मोठ्यांपर्यंत सगळ्यांचं लोणचं खायला खूप आवडतं. चला तर जाणून घेऊया संत्र्याच्या सालीचे लोणचं बनवण्याची सोपी कृती:

नवनवीन बातम्यांसाठी इथे क्लिक करा

साहित्य:

• संत्र्याची साल
• गूळ
• लाल तिखट
• मीठ
• लिंबाचा रस
• जिरे पावडर
• हिंग
• तेल
• मोहरी

नवनवीन बातम्यांसाठी इथे क्लिक करा

कृती:

• संत्र्याच्या सालीचे लोणचं बनवण्यासाठी सर्वप्रथम, संत्र्याची साल स्वच्छ धुवून व्यवस्थित कोरडी करून कुकरच्या भांड्यात ठेवून 3  शिट्या काढा.
• कढईमध्ये तूप टाकून त्यात बारीक चिरून घेतलेलं गूळ टाकून व्यवस्थित मिक्स करून घ्या. गुळाचा पाक तयार झाल्यानंतर तिखट, मीठ, जिरे पावडर घालून व्यवस्थित मिक्स करा.
• नंतर त्यात शिजवून बारीक करून घेतलेल्या संत्र्याच्या साली टाकून मिक्स करा.
• सर्व साहित्य व्यवस्थित मिक्स करून झाल्यानंतर काचेच्या बरणीमध्ये लोणचं भरून ठेवा.
• तयार आहे सोप्या पद्धतीमध्ये बनवलेलं संत्र्याच्या सालीचे लोणचं.