रात्रीच्या जेवणात हिरव्यागार पालकपासून १० मिनिटांमध्ये बनवा खमंग कुरकुरीत भजी, नोट करून घ्या रेसिपी

लहान मुलांना पालक खायला आवडत नाही. म्हणूनच आज आम्ही तुम्हाला पालक भजी बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होईल.

थंडीच्या दिवसांमध्ये बाजारात पालेभाज्या मोठ्या प्रमाणावर उपलब्ध असतात. पालकमध्ये अनेक गुणकारी घटक आढळून येतात, ज्यामुळे शरीरात कधीच लोहाची कमतरता जाणवत नाही. शरीरात निर्माण झालेली रक्ताची कमतरता भरून काढण्यासाठी पालक खाण्याचा सल्ला दिला जातो. पण लहान मुलांना पालक खायला अजिबात आवडत नाही. अशावेळी तुम्ही सोप्या पद्धतीमध्ये पालकपासून भजी बनवू शकता. कुरकुरीत खमंग भजी चवीला अतिशय सुंदर लागते. थंडगार वातावरणात प्रत्येकालाच काहींना काही गरमागरम पदार्थ खाण्याची इच्छा होते. कायमच बाजारात विकत मिळणारे पदार्थ खाण्यापेक्षा घरी बनवलेल्या पौष्टिक पदार्थांचे सेवन करावे, ज्यामुळे शरीराला पोषण मिळेल. विकतचे पदार्थ बनवताना पुन्हा पुन्हा वापरलेल्या तेलाचा वापर केला जातो. हे तेल शरीरासाठी अतिशय हानिकारक आहे. चला तर जाणून घेऊया पालक भजी बनवण्याची सोपी रेसिपी.(फोटो सौजन्य – istock)

Recipe for Women: महिलांच्या शरीरासाठी वरदान ठरेल खारीक बदामाची खीर, चवीसोबत हाडांना मिळेल भरपूर पोषण

साहित्य:

• पालक
• मीठ
• हिरवी मिरची
• तेल
• आलं लसूण पेस्ट
• शिजवलेला बटाटा
• बेसन
• लाल मिरची
• धणे जिरं पावडर
• तीळ

साधी चव पण अनोखं रूप… कुरकुरीत शीटमध्ये दडलीये स्टाफिंग, पॉकेट समोसा कधी खाल्लाय का? पार्टी स्नॅक्ससाठी परफेक्ट रेसिपी 

कृती:

• पालक भजी बनवण्यासाठी सर्वप्रथम, पालक स्वच्छ साफ करून घ्या. त्यानंतर पाण्याने तीन वेळा धुवून पाणी काढून घ्या.
• स्वच्छ केलेला पालक बारीक चिरून मोठ्या वाटीमध्ये काढा. यामुळे भजीचे पीठ व्यवस्थित मिक्स होईल.
• पालकमध्ये उकडून मॅश केलेला बटाटा, बेसनाचे पीठ, लाल मिरची पावडर, हळद, धणे पावडर, तीळ, मीठ आणि पाणी घालून व्यवस्थित मिक्स करा.
• मिक्सरच्या भांड्यात आलं, लसूण आणि हिरवी मिरची, कोथिंबीर घालून बारीक पेस्ट तयार करा. तयार केलेली पेस्ट पालकच्या मिश्रणात घालून व्यवस्थित मिक्स करा.
• कढईमध्ये तेल गरम केल्यानंतर चमच्याने भजीचे पीठ टाकून व्यवस्थित कुरकुरीत होईपर्यंत भजी तळून घ्या.
• तयार आहे सोप्या पद्धतीमध्ये बनवलेली खमंग कुरकुरीत पालक भजी.