Recipe : व्हेज लव्हर्ससाठी खास, घरी बनवा हाॅटेल स्टाईल टेस्टी पनीर बिर्याणी

Panner Biryani Recipe : चांगला दम देऊन तयार केलेली पनीर बिर्याणी चवीला फार छान लागते. चला याची रेसिपी नोट करा आणि हा पदार्थ घरी एकदा तरी नक्की बनवून खा.

(फोटो सौजन्य: Pinterest)

Follow Us:

Follow Us:

• पनीर हा सर्वांच्या आवडीचा पदार्थ आहे.
• चिकन बिर्याणी तर तुम्ही बऱ्याचदा खाल्ली असेल.
• यंदा पनीर बिर्याणी ट्राय करा.

Travel News : एकट्याने फिरण्याचा विचार करताय? या चुका टाळल्या तर प्रवास होईल सुरक्षित

दही, आले-लसूण पेस्ट, गरम मसाला, कोथिंबीर, पुदिना आणि तळलेला कांदा यामुळे बिर्याणीला समृद्ध चव मिळते. पनीर आधी हलके परतून घेतल्यास त्याला छान पोत येतो आणि मसाल्यात मिसळल्यानंतर त्याची चव आणखी खुलते. रविवारचे खास जेवण, पाहुण्यांसाठीचे मेन्यू किंवा एखाद्या विशेष प्रसंगी ही पनीर बिर्याणी नक्कीच बनवता येते.

साहित्य

• बासमती तांदूळ – २ कप
• पनीर – २५० ग्रॅम
• कांदे – २ ते ३
• टोमॅटो – १
• दही – ½ कप
• आले-लसूण पेस्ट – १ टेबलस्पून
• हिरव्या मिरच्या – २
• पुदिन्याची पाने – ½ कप
• कोथिंबीर – ½ कप
• दूध – ¼ कप
• केशर – ८ ते १० काड्या
• तूप – २ टेबलस्पून
• तेल – २ टेबलस्पून
• जिरे – ½ टीस्पून
• तमालपत्र – १
• दालचिनी – १ छोटा तुकडा
• लवंग – ३ ते ४
• वेलची – २
• बिर्याणी मसाला – १ ते १½ टेबलस्पून
• लाल तिखट – ½ टीस्पून
• हळद – ¼ टीस्पून
• मीठ – चवीनुसार
• लिंबाचा रस – १ टीस्पून

कृती

• बासमती तांदूळ स्वच्छ धुऊन २० ते ३० मिनिटे पाण्यात भिजत ठेवा. त्यानंतर पाण्यात मीठ आणि थोडे संपूर्ण मसाले घालून तांदूळ साधारण ७० ते ८० टक्के शिजवा. तांदूळ पूर्ण शिजवू नका. पाणी काढून तांदूळ बाजूला ठेवा.
• पनीरचे चौकोनी तुकडे करून त्यांना थोडे मीठ व लाल तिखट लावा. कढईत थोडे तेल किंवा तूप गरम करून पनीरचे तुकडे हलके सोनेरी होईपर्यंत परता. पनीर जास्त वेळ तळू नका, अन्यथा ते कडक होऊ शकते.
• त्याच कढईत तेल आणि तूप घालून जिरे, तमालपत्र, दालचिनी, लवंग आणि वेलची घाला. त्यानंतर बारीक चिरलेला कांदा घालून सोनेरी रंग येईपर्यंत परता. आले-लसूण पेस्ट आणि हिरवी मिरची घालून काही मिनिटे परता.
• चिरलेला टोमॅटो घालून तो मऊ होईपर्यंत शिजवा. त्यात हळद, लाल तिखट, बिर्याणी मसाला आणि मीठ घाला. आता दही घालून मिश्रण चांगले एकजीव करा. त्यात परतलेले पनीर, थोडी कोथिंबीर आणि पुदिना घालून काही मिनिटे शिजवा.
• एका जाड बुडाच्या भांड्यात आधी पनीरचा मसाला पसरवा. त्यावर अर्धवट शिजवलेला बासमती तांदूळ घाला. त्यावर तळलेला कांदा, कोथिंबीर आणि पुदिना पसरवा. अशाच प्रकारे आवश्यकतेनुसार पुन्हा थर लावा.
• कोमट दुधात केशर भिजवून ते तांदळाच्या वरून सर्व बाजूंनी घाला. त्यावर थोडे तूप आणि तळलेला कांदा पसरवा. यामुळे बिर्याणीला सुंदर रंग आणि सुगंध मिळतो.
• भांड्यावर घट्ट झाकण ठेवून मंद आचेवर सुमारे १५ ते २० मिनिटे बिर्याणीला दम द्या. गॅस बंद केल्यानंतर ५ मिनिटे झाकण तसेच ठेवून द्या. नंतर तांदळाचे दाणे न मोडता हलक्या हाताने बिर्याणी मिक्स करा.

Web Title: How to make paneer biryani at home note the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com