चायनीज खाण्याची इच्छा झाल्यास घरी सोप्या पद्धतीमध्ये बनवा चमचमीत पनीर चिली, नोट करून घ्या रेसिपी

पनीर खायला सगळ्यांचं खूप जास्त आवडते. पनीरपासून अनेक वेगवेगळे पदार्थ बनवले जातात. म्हणूनच आज आम्ही तुम्हाला पनीर चिली बनवण्याची सोपी रेसिपी सांगणार आहोत.

पनीरपासून बनवलेले पदार्थ खायला सगळ्यांचं खूप जास्त आवडतात. कारण पनीर खाल्यामुळे आरोग्याला पोषण मिळते. आठवड्यातून दोनदा किंवा तीनदा पनीर खावे. यामुळे शरीराला कॅल्शियम आणि प्रोटीन मिळते. घरात पनीरपासून कायमच पनीर पुलाव, पनीर पकोडा किंवा पनीर पराठा बनवला जातो. पण कायमच तेच तेच पदार्थ खाऊन कंटाळा आल्यानंतर तुम्ही सोप्या पद्धतीमध्ये पनीर चिली बनवू शकता. चायनीजचे नाव ऐकल्यानंतर सगळ्यांच्या तोंडाला पाणी सुटते. पण कायमच विकतचे चायनीज आणून खाण्यापेक्षा तुम्ही सोप्या पद्धतीमध्ये घरीसुद्धा पनीर चिली बनवू शकता. हा पदार्थ कमीत कमी साहित्यामध्ये झटपट तयार होतो. चला तर जाणून घेऊया पनीर चिली बनवण्याची सोपी रेसिपी.(फोटो सौजन्य: Pinterest)

सकाळच्या नाश्त्यासाठी १० मिनिटांमध्ये झटपट बनवा मऊ-मोकळा शेवयांचा उपमा, अजिबात होणार नाही चिकट

साहित्य:

• पनीर
• शिमला मिरची
• कॉर्नफ्लोअर
• मैदा
• सोया सॉस
• लाल तिखट
• चिली सॉस
• लसूण
• आलं
• कांदा
• रेड चिली सॉस
• काळीमिरी पावडर

Egg Curry Recipe : झणझणीत तर्रीदार अंडा करी अगदी सोप्या पद्धतीमध्ये घरीच बनवा; चव चाखाल तर रेसिपीचे फॅन व्हाल

कृती:

• पनीर चिली बनवण्यासाठी सर्वप्रथम, मोठ्या वाटीमध्ये कॉर्नफ्लोअर, मैदा, लसूण पेस्ट, सोया सॉस, लाल तिखट आणि मीठ घालून व्यवस्थित मिक्स करा. त्यानंतर त्यात थोडस पाणी टाकून पातळ पेस्ट बनवून घ्या.
• तयार केलेल्या पेस्टमध्ये पनीरचे तुकडे टाकून व्यवस्थित मिक्स करा आणि कढईमधील गरम तेलात पनीरचे तुकडे सोनेरी होईपर्यंत तळून घ्या.
• कढईमध्ये तेल गरम करून त्यात लसूण, हिरव्या मिरच्या आणि हिरव्या कांद्याचा पांढरा भाग घालून हलकासा भाजून घ्या.
• त्यानंतर त्यात बारीक चिरलेला कांदा टाकून मिक्स करा आणि चवीनुसार मीठ टाका. नंतर त्यात सर्व भाज्या टाकून व्यवस्थित मिक्स करून घ्या.
• भाज्या शिजल्यानंतर त्यात सोया सॉस, टोमॅटो केचप, रेड चिली सॉस, व्हिनेगर, साखर, काळी मिरी पावडर आणि मीठ घालून व्यवस्थित मिक्स करा आणि तळून घेतलेले पनीरचे तुकडे टाकून मिक्स करा.
• सगळ्यात शेवटी वरून कांद्याची पात आणि बारीक चिरलेली कोथिंबीर टाकून पनीर चिली सर्व्ह करा.