भाजी बनवण्याचा कंटाळा आल्यानंतर ५ मिनिटांमध्ये बनवा चविष्ट पापडची चटणी, ८ दिवस राहील टिकून

भाजी बनवण्याचा कंटाळा आल्यानंतर तुम्ही सोप्या पद्धतीमध्ये पापड चटणी बनवू शकता. पापड चटणी चवीला अतिशय सुंदर लागते. कमीत कमी वेळात घाईगडबडीमध्ये तुम्ही या पद्धतीने पापड चटणी बनवू शकता. जाणून घ्या रेसिपी.

सकाळच्या घाईगडबडीमध्ये डब्यासाठी नेमकी काय भाजी बनवावी? हे अनेकदा सुचत नाही. सकाळी सर्वच महिलांची खूप जास्त धावपळ असते. नेहमी नेहमी त्याचं भाज्या डब्यात खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये पापडाची चटणी बनवू शकता. पापड हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडतो. जेवणात भात डाळ आणि पापड असेल तर जेवणात दोन घास जास्त जातात. बाजारात उडीद पापड, तांदळाचे पापड इत्यादी अनेक वेगवेगळ्या प्रकारचे पापड मिळतात. त्यामुळे तुम्ही कोणत्याही पापडांचा वापर करून चविष्ट चटणी बनवू शकता. 5 मिनिटांमध्ये तयार होणारी पापड चटणी 8 दिवस व्यवस्थित टिकून राहते. पापडाची चटणी तुम्ही चपाती, भाकरी, भात डाळ इत्यादी पदार्थांसोबत खाऊ शकता. चला तर जाणून घेऊया पापड चटणी बनवण्याची सोपी रेसिपी.(फोटो सौजन्य – pinterest)

सकाळचा नाश्ता होईल आणखीन स्पेशल! वाटीभर मटार आणि पोह्यांपासून बनवा चविष्ट कुरकुरीत टिक्की, वाचा सोपी रेसिपी

See more

साहित्य:

• पापड
• कांदा
• लाल तिखट
• शेंगदाणे
• लसूण
• जिरे
• खोबऱ्याचा किस
• मीठ

आंबट गोड चवीच्या स्ट्रॉबेरीपासून बनवा चटकदार स्ट्रॉबेरी चटणी, जेवणात जातील चार घास जास्त

See more

कृती:

• पापड चटणी बनवण्यासाठी सर्वप्रथम, गॅसवर पापड व्यवस्थित भाजून घ्या. पापड भाजताना गॅसची फ्लेम मध्यम ठेवावी.
• त्यानंतर तवा गरम करून त्यात शेंगदाणे कुरकुरीत होईपर्यंत भाजून घ्या. थंड करून त्यांची साल काढा.
• मिक्सरच्या भांड्यात भाजून घेतलेल्या पापडाचे तुकडे, शेंगदाणे आणि भाजून घेलेल्या खोबऱ्याचे तुकडे टाकून जाडसर वाटून घ्या.
• तयार करून घेतलेल्या मिश्रणात चवीनुसार मीठ, लाल तिखट, जिरं, लसूण पाकळ्या टाकून पुन्हा एकदा बारीक वाटून घ्या.
• तयार करून घेतलेल्या चटणीमध्ये तुम्ही कांदा मिक्स करून खाऊ शकता. यामुळे चटणीची चव आणखीन छान लागेल.