नेहमीचे कांदापोहे खाऊन कंटाळा आल्यास सकाळच्या नाश्त्यासाठी झटपट बनवा पोह्यांचे चविष्ट कटलेट

नेहमी नेहमी कांदापोहे खाऊन कंटाळा आल्यानंतर काहींना काही नवीन पदार्थ खाण्याची इच्छा झाल्यास तुम्ही सोप्या पद्धतीमध्ये पोह्यांचे कटलेट बनवू शकता. हा पदार्थ १० मिनिटांमध्ये लगेच तयार होतो.

रविवार म्हणजे सुट्टीचा वार. यादिवशी घरातील सर्व सदस्यांची सुट्टी असते. त्यामुळे नेहमीच सुट्टीच्या दिवशी नाश्त्यात काय बनवावं? हा प्रश्न सर्वच महिलांना पडतो. अशावेळी नाश्त्यात अनेक घरांमध्ये कांदापोहे, उपमा, शिरा किंवा इडली डोसा बनवला जातो. मात्र नेहमीच तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं होते. अशावेळी तुम्ही झटपट पोह्यांचे कटलेट बनवू शकता. पोह्यांचे कटलेट चवीला अतिशय सुंदर लागतात. घाईगडबडीच्या दिवशी लहान मुलांच्या डब्यात सुद्धा तुम्ही पोह्यांचे कटलेट देऊ शकता. सकाळच्या वेळी पोटभर नाश्ता करणे आरोग्यासाठी अतिशय गुणकारी आहे. यामुळे शरीराला अनेक फायदे होतात. चला तर जाणून घेऊया पोह्यांचे कटलेट बनवण्याची सोपी रेसिपी.(फोटो सौजन्य – pinterest)

साधा, सोपा, झटपट नाश्ता! घरी बनवून पाहा Egg Burger; निवडक साहित्यांची गरज अन् 10 मिनिटांतच होतो तयार

साहित्य:

• पोहे
• कांदा
• हिरवी मिरची
• गाजर
• मटार
• किसून घेतलेलं आलं
• कोथिंबीर
• भाजलेल्या डाळीचे पीठ
• मीठ
• धणे पावडर
• गरम मसाला
• तेल

कडू कारलं आवडत नाही? मग सोप्या पद्धतीमध्ये बनवा कुरकुरीत कारल्याची चटणी, महिनाभर व्यवस्थित टिकून राहील पदार्थ

कृती:

• पोह्यांचे कटलेट बनवण्यासाठी सर्वप्रथम, पोहे स्वच्छसाफ करून काहीवेळ पाण्यात भिजत ठेवा. त्यानंतर लगेच पाणी काढून घ्या.
• वाटीमध्ये भिजवलेले पोहे, उकडून घेतलेला मटार, गाजर, कांदा, बारीक चिरलेली हिरवी मिरची आणि चवीनुसार मीठ घालून मिक्स करा.
• नंतर त्यात भाजलेले डाळीच्या पीठ, हळद, गरम मसाला, चाट मसाला, किसून घेतलेलं आलं घालून व्यवस्थित मिश्रण मिक्स करा.
• तयार केलेल्या मिश्रणाचे कटलेट बनवून कढईतील गरम तेलात दोन्ही बाजूने भाजून घ्या.
• तयार आहेत सोप्या पद्धतीमध्ये बनवलेले पोह्यांचे कटलेट.