भाजणी बनवण्याचे टेन्शन कायमचे जा विसरून! १० मिनिटांमध्ये झटपट बनवा वाटीभर पोह्यांचे खमंग थालीपीठ

लहान मुलांपासून ते अगदी मोठ्यांपर्यंत सगळ्यांचं थालीपीठ खायला खूप जास्त आवडते. त्यामुळे सकाळच्या नाश्त्यासाठी तुम्ही सोप्या पद्धतीमध्ये पोह्यांचे थालीपीठ बनवू शकता. हा पदार्थ चवीला अतिशय सुंदर लागतो.

सकाळच्या नाश्त्यात सगळ्यांचं काहींना काही स्पेशल हवे असते. नाश्त्यात कायमच कांदापोहे, उपमा, शिरा किंवा पराठा खाल्ला जातो. पण नेहमीच तेच ठराविक पदार्थ खाऊन कंटाळा आल्यानंतर काहींना काही खाण्याची इच्छा होते. थालीपीठ खाण्याची इच्छा झाल्यानंतर बाजारातून विकतची थालीपीठ भाजणी आणून त्यापासून पदार्थ बनवला जातो. पण नेहमीच विकतची भाजणी आणून थालीपीठ बनवण्यापेक्षा वाटीभर पोह्यांचा वापर करून तुम्ही थालीपीठ बनवू शकता. हा पदार्थ चवीला अतिशय सुंदर लागतो. नाश्त्यात नेहमीच कांदापोहे बनवून खाण्यापेक्षा पोह्यांपासून बनवलेले कुरकुरीत थालीपीठ खावे. कमीत कमी साहित्य आणि वेळात बनवलेला पदार्थ चवीला अतिशय सुंदर लागतो. पोह्यांचे खमंग थालीपीठ तुम्ही दही किंवा हिरव्या मिरचीच्या लोणच्यासोबत खाऊ शकता. यामुळे तुमचे पोट सुद्धा दीर्घकाळ भरलेले राहील आणि शरीराला सुद्धा फायदे होतील. चला तर जाणून घेऊया पोह्यांचे थालीपीठ बनवण्याची सोपी रेसिपी.(फोटो सौजन्य – istock)

गुढीपाडवा सणाचा गोडवा वाढवण्यासाठी सोप्या पद्धतीमध्ये घरीच बनवा बदाम केशर श्रीखंड, नोट करून घ्या रेसिपी

साहित्य:

• पोहे
• गव्हाचं पीठ
• लाल तिखट
• पांढरे तीळ
• बेसन
• हिरवी मिरची पेस्ट
• मीठ
• कोथिंबीर
• कसुरी मेथी
• धणे जिरं पावडर
• हिंग
• कसुरी मेथी

नेहमीच विकतचे आईस्क्रीम आणून खाण्यापेक्षा घरीच बनवा गारेगार मटका कुल्फी,कडाक्याच्या उन्हाळ्यात शरीराला मिळेल थंडावा

कृती:

• पोह्यांचे थालीपीठ बनवण्यासाठी सर्वप्रथम, मोठ्या वाटीमध्ये पोहे काहीवेळ भिजवून नंतर त्यातील पाणी गाळून काढून टाका.
• त्यानंतर पोह्यांमध्ये गव्हाचं पीठ, बेसन, चवीनुसार मीठ, बारीक चिरलेला कांदा, कोथिंबीर, हिरवी मिरची पेस्ट घालून व्यवस्थित मिक्स करा.
• त्यानंतर त्यात धणे जिरं पावडर, लाल तिखट, हळद, चवीनुसार मीठ, हिंग आणि पांढरे तीळ घालून व्यवस्थित मिक्स करा.
• आवश्यकता वाटल्यास तयार केलेल्या मिश्रणावर थोडेसे पाणी शिंपडावे. यामुळे पीठ मऊ होईल.
• तयार केलेल्या पिठाचा गोळा करून ओल्या रुमालावर थापून घ्या. त्यानंतर रुमाला सकट तयार केलेले थालीपीठ तव्यावर टाकून वरून पाणी लावून रुमाल काढून घ्या.
• त्यानंतर थालीपिठाच्या बाजूने तेल किंवा तूप सोडून दोन्ही बाजूने कुरकुरीत भाजून घ्या.
• तयार आहे सोप्या पद्धतीमध्ये बनवलेले वाटीभर पोह्यांचे थालीपीठ.