मुळ्याची भाजी खायला आवडत नाही, मग सोप्या पद्धतीमध्ये घरी बनवा चटकदार मुळ्याचे लोणचं

जेवणासोबत लोणचं खायला सगळ्यांचं आवडत. जेवणात लोणचं असेल तर चार घास जास्त जातात. त्यामुळे आज आम्ही तुम्हाला सोप्या पद्धतीमध्ये मुळ्याचे लोणचं कसं बनवावं याची सोपी रेसिपी सांगणार आहोत. चला तर जाणून घेऊया.

लहान मुलांपासून मोठ्यांपर्यंत अनेकांना मुळ्याची भाजी खायला आवडत नाही. मुळ्याच्या भाजीचे सेवन करण्यास अनेक लोक नकार देतात. कारण मुळ्याच्या भाजीला येणारा उग्र वास. मुळ्याच्या भाजीच्या वासामुळे अनेक लोक घरात मुळ्याची भाजी बनवत नाहीत. पण आरोग्यासाठी मुळा अतिशय फायदेशीर आहे. हिवाळ्याच्या दिवसांमध्ये बाजारात पालेभाज्या मोठ्या प्रमाणावर उपलब्ध असतात. या दिवसांमध्ये मोठ्या प्रमाणावर पालेभाज्यांचे सेवन केले जाते. बाजारात मेथी, मुळा , लाल माठ, पालक इत्यादी अनेक वेगवेगळ्या प्रकारच्या भाज्या उपलब्ध असतात. आज आम्ही तुम्हाला जेवणात तोंडी लावण्यासाठी मुळ्याच्या भाजीपासून लोणचं बनवण्याची सोपी रेसिपी सांगणार आहोत. मुळ्याच्या भाजीचे लोणचं बनवायला अनेकांना येत नाही. त्यामुळे आम्ही तुम्हाला सोप्या पद्धतीमध्ये लोणचं बनवण्याची कृती सांगणार आहोत. चला तर जाणून घेऊया.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• मुळा
• तेल
• लाल तिखट
• मीठ
• लिंबाचा रस
• लोणचं मसाला
• मोहरी
• हिंग
• हळद

नवनवीन रेसिपीसाठी इथे क्लिक करा

कृती:

• मुळ्याच्या भाजीचे लोणचं बनवण्यासाठी सर्वप्रथम, मुळा स्वच्छ धुवून त्याची साल काढून बारीक तुकडे करून घ्या.
• त्यानंतर मुळ्याचे तुकडे मोठ्या बाऊलमध्ये घेऊन त्यात लिंबाचा रस टाकून व्यवस्थित मिक्स करून घ्या. मुळ्याचे तुकडे १ तास झाकून ठेवा.
• कढईमध्ये तेल गरम करण्यासाठी ठेवा. गरम तेलात मोहरी, हिंग टाकून फोडणी तयार करा.गॅस बंद करून त्यात लोणचं मसाला टाकून मिक्स करा.
• तयार केलेली फोडणी मुळ्यांमध्ये ओतून मिक्स करून घ्या. नंतर त्यात चवीनुसार मीठ आणि लाल तिखट, हळद टाकून लोणचं मुरण्यासाठी ठेवा.
• तयार आहे सोप्या पद्धतीमध्ये बनवलेलं मुळ्याचं लोणचं.