हिवाळ्यात आरोग्यासाठी गुणकारी असलेले गरमागरम टोमॅटो सूप आता घरीच बनवा, वाचा सोपी रेसिपी

टोमॅटो आरोग्यासाठी अतिशय पौष्टीक आहे. टोमॅटोचे सेवन केल्यामुळे त्वचेसंबंधित अनेक समस्यांपासून आराम मिळतो. आज आम्ही तुम्हाला सोप्या पद्धतीमध्ये टोमॅटो सूप बनवण्याची रेसिपी सांगणार आहोत.

सोप्या पद्धतीमध्ये बनवा टोमॅटो सूप

Follow Us:

Follow Us:

थंडीमध्ये सकाळच्या नाश्त्यात सगळ्यांचं गरमागरम पदार्थ खाण्याची इच्छा होते. अशावेळी अनेक घरांमध्ये सूप विकत आणले जाते. पण नेहमी नेहमी विकतचे सूप आणून पिण्यापेक्षा घरी बनवलेले सूप आरोग्यासाठी अतिशय फायदेशीर आहे. त्यामुळे आज आम्ही तुम्हाला टोमॅटो सूप बनवण्याची सोपी रेसिपी सांगणार आहोत. सूप बनवण्यासाठी कमी साहित्य लागते. शिवाय टोमॅटो आरोग्यासाठी अतिशय फायदेशीर आहेत. लहान मुलांपासून मोठ्यांपर्यंत सगळ्यांना सूप हा पदार्थ खूप आवडतो. मंचुरियन सूप, कोरियन सूप, ब्रोकोली सूप, गाजर सूप इत्यादी अनेक वेगवेगळ्या भाज्यांचा वापर करून सूप बनवले जाते. थंडीच्या दिवसांमध्ये सूप प्यायला एक वेगळीच मजा असते. चला तर जाणून घेऊया टोमॅटो सूप बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

टोमॅटोमध्ये पोटॅशिअम, मॅग्नेशिअम, फॉस्फरस, लोह, जीवनसत्वे, खजिने आणि अँटीऑक्सीडंट्स इत्यादी घटक आढळून येतात. जे शरीरासाठी आवश्यक आहे. टोमॅटो खाल्यामुळे रोगप्रतिकारशक्ती चांगली राहण्यास मदत होते. टोमॅटोचे सेवन केल्यामुळे शरीरातील कोलेस्ट्रॉलची पातळी नियंत्रणात राहण्यास मदत होते. टोमॅटोमध्ये असलेले विटामिन्स त्वचेच्या आरोग्यासाठी सुद्धा चांगले आहेत.

साहित्य:

• टोमॅटो
• कांदा
• काळीमिरी पावडर
• आलं
• लसूण
• तेल
• दालचिनी
• हळद पावडर
• लाल तिखट
• मीठ
• चीज

नवनवीन रेसिपीसाठी इथे क्लिक करा

कृती:

• टोमॅटो सूप बनवण्यासाठी सर्वप्रथम, टोमॅटो बारीक चिरून घ्या.
• कढईमध्ये तेल गरम करण्यासाठी ठेवा. गरम तेलात कांदा, लसूण आणि आल्याचा तुकडा टाकून व्यवस्थित परतवून घ्या.
• नंतर त्यात दालचिनी, लवंग, तमालपत्र आणि लाल तिखट, हळद घालून मिक्स करून घ्या.
• त्यानंतर त्यात बारीक चिरून घेतलेले टोमॅटो टाकून काहीवेळ व्यवस्थित परतवून घ्या.
• शिजवून घेतलेले मिश्रण थंड झाल्यानंतर मिक्सरच्या भांड्यात टाकून बारीक पेस्ट तयार करा.
• कढईमध्ये गरम तेलात तयार केलेले मिश्रण टाकून आवश्यकतेनुसार पाणी घालून सूप उकळवून घ्या.
• सूपला व्यवस्थित उकळी आल्यानंतर त्यात चवीनुसार मीठ, काळीमिरी पावडर टाकून मिक्स करा.
• सगळ्यात शेवटी तुम्हाला हवे असल्यास त्यात चीज टाकून मिक्स करून घ्या.
• तयार आहे सोप्या पद्धतीमध्ये बनवलेले टोमॅटो सूप.

Web Title: How to make tomato soup at home morning breakfast healthy recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com