वाटीभर नाचणीच्या पिठाच्या वापर करून बनवा चविष्ट केक, वाढलेले वजन राहील नियंत्रणात

चीज केक, स्ट्रॉबेरी केक, लाव्हा केक इत्यादी अनेक वेगवेगळ्या प्रकारचे केक तुम्ही खाल्ले असतील. पण आज आम्ही तुम्हाला नाचणीच्या पिठाचा वापर करून चविष्ट केक बनवण्याची सोपी रेसिपी सांगणार आहोत. चला तर जाणून घेऊया.

गोड पदार्थांचे सेवन केल्यामुळे वजन वाढते? असा अनेकांना वाटते. मात्र दैनंदिन आहारात चुकीच्या पदार्थांच्या कोणत्याही वेळ सेवन केल्यास वजन वाढण्याची शक्यता असते. त्यामुळे त्यामुळे योग्य वेळी शरीराला पचन होतील अशाच पदार्थांचे सेवन करावे. अनेक लोक वजन वाढेल म्हणून आहारातून गोड पदार्थ वजा करतात. मिठाई किंवा केक अशा कोणत्याच पदार्थांचे सेवन केले जात नाही. मात्र केक खाणे आरोग्यासाठी अतिशय पौष्टिक आणि फायद्याचे आहे. आज आम्ही तुम्हाला सोप्या पद्धतीमध्ये वाटीभर नाचणीच्या पिठाचा वापर करून केक बनवण्याची सोपी रेसिपी सांगणार आहोत. नाचणीच्या केकचे सेवन केल्यास वाढलेले वजन नियंत्रणात राहण्यास मदत होईल.(फोटो सौजन्य – iStock)

कांदापोहे खाऊन कंटाळा आला आहे? मग सोप्या पद्धतीमध्ये बनवा पोह्याचे कटलेट, वाचा सोपी रेसिपी

See more

नाचणीमध्ये भरपूर प्रमाणात फायबर आढळून येते. फायबर युक्त अन्नपदार्थांचे सेवन केल्यामुळे पचनक्रिया सुधारते आणि शरीर स्वच्छ होण्यास मदत होते. नाचणीमध्ये कॅल्शियम, फायबर, अँटीऑक्सिडंट्स, अमिनो आम्ल इत्यादी अनेक घटक आढळून येतात. त्यामुळे दैनंदिन आहारात नाचणीच्या पदार्थांचे सेवन करणे आरोग्यासाठी अतिशय फायद्याचे ठरेल. चला तर जाणून घेऊया नाचणीचा केक बनवण्याची सोपी कृती.

साहित्य:

• नाचणीचे पीठ
• गूळ
• बेकिंग सोडा
• कोको पावडर
• दूध
• तूप

Valentine Day करा खास, जोडीदाराकडे प्रेम व्यक्त करण्यासाठी बनवा ‘हार्ट शेप पिझ्झा’

See more

कृती:

• नाचणीच्या पिठाचा वापर करून केक बनवण्यासाठी सर्वप्रथम, मोठ्या बाऊलमध्ये नाचणीचे पीठ घेऊन त्यात गूळ मिक्स करून घ्या.
• त्यानंतर त्यात १ चमचा बेकिंग पावडर आणि कोको पावडर टाकून मिक्स करून घ्या.
• सर्व साहित्य व्यवस्थित मिक्स करून झाल्यानंतर वाटीभर दूध घालून मिक्स करून पेस्ट तयार करून घ्या.
• केकचे बॅटर तयार करताना त्यात जास्त दूध घालू नये. आवश्यकता असलेल्या प्रमाणातच दुधाचा वापर करावा.
• त्यानंतर केकच्या भांड्यात तयार मिश्रण ओतून व्यवस्थित सेट करून केक ओव्हनमध्ये ठेवून बेक करा.
• केक तयार झाल्यानंतर त्यावर डार्क चॉकलेट लावून केक खाण्यासाठी सर्व्ह करा.
• तयार आहे सोप्या पद्धतीमध्ये बनवलेला नाचणीच्या पिठाचा केक.