रात्रीच्या जेवणात चमचमीत पदार्थ हवा असेल तर सोप्या पद्धतीमध्ये बनवा कच्चा केळीची मसालेदार काप

रात्रीच्या जेवणात तोंडी लावण्यासाठी प्रत्येकाला काहींना काही हवे असते. अशावेळी तुम्ही सोप्या पद्धतीमध्ये कच्च्या केळीची काप बनवू शकता. हा पदार्थ कमीत कमी साहित्यामध्ये झटपट तयार होतो.

प्रत्येक घरात कायमच बटाटा, वांगी, सुरण इत्यादी भाज्यांपासून कुरकुरीत काप बनवली जातात. जेवणात कायमच डाळ भात भाजी चपाती खाऊन कंटाळा आल्यानंतर काहींना काही चमचमीत पदार्थ सगळ्यांचं हवा असतो. म्हणूनच आज आम्ही तुम्हाला जेवणात तोंडी लावण्यासाठी कच्चा केळीची काप बनवण्याची सोपी रेसिपी सांगणार आहोत. सर्वच ऋतूंमध्ये बाजारात कच्ची केळी उपलब्ध असतात. कच्च्या केळीची वेफर्स किंवा भाजी तुम्ही खाल्लीच असेल. कच्च्या केळीची काप गरमागरम भातासोबत किंवा भाकरीसोबत अतिशय सुंदर लागतात. याशिवाय लहान मुलांच्या डब्यासाठी सुद्धा मसालेदार केळीची काप बनवू शकता. घरातील प्रत्येक व्यक्ती केळीची काप आवडीने खातील. हा पदार्थ बनवण्यासाठी जास्त वेळ लागत नाही. कमीत कमी साहित्यात केळीची मसालेदार कुरकुरीत काप तयार होतात. चला तर जाणून घेऊया केळीची काप बनवण्याची सोपी रेसिपी.(फोटो सौजन्य: Pinterest)

पितृपक्षातील नैवैद्यासाठी १० मिनिटांमध्ये बनवा दाटसर तांदळाची खीर, नोट करून घ्या झटपट तयार होणारा पदार्थ

साहित्य:

• कच्ची केळी
• तांदळाचे पीठ
• रवा
• बेसन
• मीठ
• लाल तिखट
• हळद
• हिरवी मिरची पेस्ट
• गरम मसाला
• मीठ

सकाळच्या नाश्त्यासाठी १० मिनिटांमध्ये बनवा मुगाच्या डाळीची मऊसूत इडली, झटपट तयार होईल हेल्दी पदार्थ

कृती:

• कच्च्या केळीची काप बनवण्यासाठी सर्वप्रथम, केळीची साल काढून उभी पातळ केळी चिरून घ्या.
• त्यानंतर केळीची काप पाण्यात भिजत ठेवा. मोठ्या ताटात लाल तिखट, हिरव्या मिरचीची पेस्ट, गरम मसाला, हळद आणि चवीनुसार मीठ टाकून व्यवस्थित मिक्स करा.
• तयार केलेले मसाल्याचे मिश्रण केळीच्या कापांना लावून घ्या, दुसऱ्या ताटात रवा, तांदळाचे पीठ आणि बेसन घेऊन व्यवस्थित मिक्स करा.
• तयार केलेल्या पिठात चवीनुसार मीठ आणि लाल तिखट टाकून मिक्स करून घ्या. मसाला लावून तयार केलेली केळीची काप रव्यात घोळवून पॅनमधील तेलात सोडा.
• केळीची काप दोन्ही बाजूने व्यवस्थित भाजून घ्या. तयार आहेत सोप्या पद्धतीमध्ये बनवलेली केळीची मसालेदार काप.