आंबट गोड पदार्थ खाण्याची इच्छा झाल्यास घरी झटपट बनवा कच्च्या कैरीची कँडी, नोट करून घ्या रेसिपी

कच्ची कैरी खायला सगळ्यांचं खूप जास्त आवडते. कैरीपासून अनेक वेगवेगळे पदार्थ बनवले जातात. म्हणूनच आज आम्ही तुम्हाला कच्च्या कैरीपासून आंबटगोड कँडी बनवण्याची सोपी रेसिपी सांगणार आहोत.

उन्हाळा ऋतूला सुरुवात झाल्यानंतर बाजारात कच्च्या कैऱ्या मोठ्या प्रमाणावर उपलब्ध असतात. कैरीचे नाव घेतल्यानंतर सगळ्यांच्या तोंडाला पाणी सुटते. चवीला आंबटगोड असलेल्या कैरीपासून अनेक वेगवेगळे पदार्थ बनवले जातात. कैरीचे लोणचं, कैरीचा मुरंबा, कैरीची आमटी, कैरीची चटणी, कैरीचे सरबत इत्यादी अनेक पदार्थ बनवले जातात. त्यामुळे आज आम्ही तुम्हाला कच्च्या कैरीपासून आंबटगोड कँडी बनवण्याची सोपी रेसिपी सांगणार आहोत. बऱ्याचदा घरातील लहान मुलं सतत कोणते ना कोणते चॉकलेट खात असतात. पण वारंवार गोड पदार्थांचे सेवन केल्यामुळे दात दुखणे किंवा हिरड्यांना इजा होण्याची शक्यता असते. कच्च्या कैरीची कँडी चवीला अतिशय सुंदर लागते. उन्हाळ्यात शरीराला ऊर्जा देण्यासाठी आणि थंडावा कायम टिकवून ठेवण्यासाठी कैरीच्या कँडीचे सेवन करावे. चला तर जाणून घेऊया सोप्या पद्धतीमध्ये कैरीची कँडी बनवण्याची रेसिपी.(फोटो सौजन्य – iStock)

सकाळच्या नाश्त्यात लहान मुलांसाठी बनवा पौष्टिक उकड्या तांदळाची पेज, आरोग्यासाठी ठरेल अतिशय प्रभावी

साहित्य:

• कच्ची कैरी
• साखर
• मीठ
• पिठीसाखर
• पाणी

चहासोबत खाण्यासाठी बनवा स्पेशल पदार्थ! झटापट घरीच बनवा खमंग खुसखुशीत आंब्याचे घारगे, १० दिवस राहतील टिकून

कृती:

• कच्च्या कैरीची कँडी बनवण्यासाठी, सर्वप्रथम कैरीची साल काढून बारीक तुकडे करून घ्या.
• टोपात पाणी घेऊन त्यात चवीनुसार मीठ टाकून पाण्याला व्यवस्थित उकळी काढा.
• पाण्याला उकळी आल्यानंतर त्यात कापून घेतलेले कैरीचे तुकडे पाण्यात टाकून शिजवून घ्या.
• कैरीचे तुकडे व्यवस्थित शिजल्यानंतर गॅस बंद करून कैरीचे तुकडे ताटात काढून घ्या.
• तयार करून घेतलेल्या साखरेच्या पाकात कैरीचे तुकडे टाकून काहीवेळ तशीच ठेवा. यामुळे कैरी साखरेच्या पाकात व्यवस्थित मुरेल.
• त्यानंतर कैरी ताटात काढून दोन ते तीन दिवस उन्हात सुकवून घ्या. कैरीचे तुकडे व्यवस्थित कडक सुकवा.
• कैरीचे तुकडे व्यवस्थित सुकल्यानंतर वरून पिठीसाखरेमध्ये घोळवून घ्या. तयार आहे सोप्या पद्धतीमध्ये बनवलेली कैरीची कँडी.