लोणच्यापेक्षा लागेल भारी चव! गरमागरम भाकरीसोबत खाण्यासाठी झटपट बनवा आंबट तिखट कैरीचा ठेचा, नोट करा रेसिपी

आज आम्ही तुम्हाला गरमागरम भाकरीसोबत खाण्यासाठी कच्च्या कैरीचा आंबट तिखट ठेचा बनवण्याची सोपी रेसिपी सांगणार आहोत. हा पदार्थ चवीला अतिशय सुंदर लागतो.

उन्हाळा ऋतूला सुरुवात झाल्यानंतर सगळ्यात पहिली आठवण कच्च्या आंब्यांची होते. कच्च्या कैऱ्यांपासून अनेक वेगवेगळे पदार्थ बनवले जातात. कच्ची कैरी बारीक कापून त्यात मीठ मसाला लावून खाल्ली जाते. कैरी पाहिल्यानंतर सगळ्यांच्या तोंडाला पाणी सुटते. कैरीपासून लोणचं, मुरंबा, पन्ह इत्यादी अनेक पदार्थ बनवले जातात. पण आज आम्ही तुम्हाला सोप्या पद्धतीमध्ये कच्च्या कैरीपासून आंबट तिखट ठेचा बनवण्याची सोपी रेसिपी सांगणार आहोत. या पद्धतीने बनवलेला ठेचा चवीला अतिशय सुंदर लागतो. गरमागरम भाकरी किंवा चपातीसोबत भाजी खाण्याचा कंटाळा आल्यास सोप्या पद्धतीमध्ये ठेचा बनवून खावा. यामुळे तोंडाची चव वाढते आणि शरीराला भरमसाट फायदे होतात. उन्हाळ्याच्या दिवसांमध्ये आहारात कच्च्या कैरीचे सेवन करावे. कारण यामध्ये असलेले पोषक घटक शरीरात थंडावा टिकवून ठेवतात. चला तर जाणून घेऊया कच्च्या कैरीचा ठेचा बनवण्याची सोपी रेसिपी.(फोटो सौजन्य – istock)

पोषकतत्वांनी भरलेला हा लाडू, विना साखर घरी बनवा स्वादिष्ट असे ‘Dryfruits Ladoo’; चव जी लहानांपासून मोठ्यांना करेल खुश

साहित्य:

• कच्ची कैरी
• हिरवी मिरची
• लसूण
• जिरं
• मीठ
• हिंग
• शेंगदाणे
• कोथिंबीर
• हळद
• तेल

बेसनाचा नाही यंदा घरी बनवा तांदळाचा चिला, याची कुरकरीत आणि खमंग चव नाश्त्यासाठी ठरेल एकदम परफेक्ट

कृती:

• कच्च्या कैरीचा ठेचा बनवण्यासाठी सर्वप्रथम, कैरी स्वच्छ धुवून त्याच्या वरील साल काढून घ्या. त्यानंतर कैरी बारीक किसा.
• पॅनमध्ये तेल गरम करून त्यात हिरव्या मिरच्या, लसूण पाकळ्या, जिरे, हिंग व चवीनुसार मीठ घालून खमंग भाजा.
• त्यानंतर पुन्हा एकदा त्यात शेंगदाणे टाकून लालसर होईपर्यंत भाजा. यामुळे ठेच्याला चव चांगली लागेल आणि ठेचा जास्त दिवस टिकून राहील.
• भाजून घेतलेले सर्व साहित्य थंड करून घ्या. तसेच भाजलेल्या शेंगदाण्याची साल काढून घ्यावी.
• खलबत्यामध्ये भाजलेले साहित्य आणि किसून घेतलेली कैरी टाकून व्यवस्थित बारीक करून घ्यावी. त्यानंतर त्यात चवीनुसार हळद आणि कोथिंबीर, मीठ घालून पुन्हा एकदा खलबत्यामध्ये बारीक करा.
• तयार आहे सोप्या पद्धतीमध्ये बनवलेला कच्या कैरीचा आंबट तिखट ठेचा.