आंबटगोड कच्च्या कैरीपासून झटपट बनवा चविष्ट आंबावडी, आंबट पदार्थाने वाढवा जिभेची चव

कच्या कैरीपासून अनेक वेगवेगळे पदार्थ बनवले जातात. आज आम्ही तुम्हाला आंबटगोड आंबावडी बनवण्याची सोपी रेसिपी सांगणार आहोत. हा पदार्थ लहान मुलांना खूप जास्त आवडेल.

उन्हाळा ऋतूला सुरुवात झाल्यानंतर प्रत्येक घरात वाळणीचे पदार्थ बनवले जातात. वर्षभर पुरतील एवढ्या प्रमाणात पदार्थ बनवले जातात. पापड, कुरडया, लोणचं, दही मिरची इत्यादी पदार्थ मोठ्या प्रमाणावर बनवले जातात. उन्हाळ्यात आवर्जून मिळणारा पदार्थ म्हणजे कच्ची कैरी. आंबट गोड चवीची कच्ची कैरी सगळ्यांचं खायला खूप जास्त आवडते. कैरीपासून अनेक वेगवेगळे पदार्थ बनवले जातात. आज आम्ही तुम्हाला सोप्या पद्धतीमध्ये आंबटगोड कैरीपासून आंबावडी बनवण्याची सोपी रेसिपी सांगणार आहोत. कच्च्या कैरीपासून बनवलेले पदार्थ जिभेची चव वाढवतात आणि शरीरासाठी सुद्धा खूप जास्त फायदेशीर असतात. लहान मुलं कायमच विकतचे चॉकलेट किंवा कँडी आणून खातात. पण नेहमीच मुलांना विकतची कँडी खाण्यास देऊ नये. कारण यामध्ये वापरल्या जाणाऱ्या हानिकारक रंगाचा परिणाम आरोग्यावर होतो. त्यामुळे मुलांना नैसर्गिक रंगाचा वापर आणि पदार्थांचा वापर करून बनवलेले चॉकलेट खाण्यास द्यावे. चला तर जाणून घेऊया आंबावडी बनवण्याची सोपी रेसिपी.(फोटो सौजन्य – pinterest)

गोड पदार्थ खाणे कायमचे जाल विसरून! उपवासाच्या दिवशी झटपट बनवा स्वादिष्ट साबुदाणा फ्रुट कस्टर्ड

साहित्य:

• कैरी
• पिठीसाखर
• पुदिना
• मीठ
• काळे मीठ
• तूप
• जिऱ्याची पावडर

Summer Special : उन्हाळ्यात वाढतो डिहायड्रेशनचा त्रास; घरी बनवा थंडगार अन् चटपटीत चवीचा ‘पुदिना सरबत’

कृती:

• आंबावडी बनवण्यासाठी सर्वप्रथम, कच्ची कैरी पाण्याने स्वच्छ धुवून घ्या. त्यानंतर कैरीवरील साल काढून घ्या. कैरीचे बारीक बारीक तुकडे करा.
• मिक्सरच्या भांड्यात कैरी टाकून बारीक वाटून घ्या. कैरीचे मिश्रण बनवताना त्यात पुदिना टाकावा. यामुळे हिरवा रंग येईल.
• तयार केलेला कैरीचा गर वाटीमध्ये काढून घ्या. त्यानंतर त्यात चवीनुसार मीठ आणि भाजलेल्या जिऱ्याची पावडर घालून व्यवस्थित मिक्स करा.
• कढई गरम करून त्यात तयार केलेले मिश्रण आणि साखार घालून घट्टसर होईपर्यंत शिजवून घ्या. शिजल्यानंतर कैरीचे मिश्रण घट्ट होईल.
• मोठ्या ताटाला तेल किंवा तूप लावून घ्या. तयार केलेले मिश्रण ताटात ओतून एकसमान पसरवून घ्या.
• त्यानंतर वरून चाट मसाला पसरवून घ्या. सुरीच्या सहाय्याने लहान लहान तुकडे करून घ्या.
• तयार आहे सोप्या पद्धतीमध्ये बनवलेली आंबावडी.