लाल भोपळा खायला आवडत नाही! मग भोपळ्यापासून बनवा पारंपरिक खुसखुशीत घारगे

लाल भोपळ्याच्या वापर करून अनेक पदार्थ बनवले जातात. पण काहींना लाल भोपळा खायला अजिबात आवडत नाही. भोपळ्याचे नाव घेतले तरीसुद्धा नाक मुरडतात. त्यामुळे आज आम्ही तुम्हाला लाल भोपळ्याचा वापर करून खमंग घारगे कसे बनवायचे याची सोपी रेसिपी सांगणार आहोत. हा पदार्थ कमीत कमी वेळात तयार होतो. तसेच चवीला गोड असलेले घारगे सगळेच लोक आवडीने खातात.

लहान मुलांसह मोठ्यानं लाल भोपळा खायला आवडत नाही. भोपळा पहिला की मुलं नाक मुरडतात. पण लाल भोपळा आरोग्यासाठी गुणकारी आहे. लाल भोपळ्यामध्ये विटामिन ए, इ, सी, आयर्न मुबलक प्रमाणात आढळून येते. तसेच यामध्ये असलेल्या अँटी ऑक्सिडंट्समुळे आरोग्याला फायदा होतो. शरीरातील कमी झालेली रोगप्रतिकारशक्ती सुधारण्यासाठी आहारात लाल भोपळ्याचे सेवन करावे. भोपळ्यामध्ये मुबलक प्रमाणात विटामिन सी आढळून येते, ज्याचा फायदा त्वचेला होतो. त्यामुळे आज आम्ही तुम्हाला लाल भोपळा खायला न आवडणाऱ्या व्यक्तींसाठी एक सोपी रेसिपी सांगणार आहोत. हा पदार्थ सगळ्यांना नक्की आवडेल. लाल भोपळ्यापासून खमंग घारगे कसे बनवावे, याची सोपी रेसिपी सांगणार आहोत. भोपळ्याचे घारगे 4 ते 5 दिवस आरामात टिकतात. तसेच लांब कुठेही फिरायला गेल्यानंतर तुम्ही हे घारगे सोबत घेऊन जाऊ शकता.

साहित्य:

• लाल भोपळा
• गूळ
• वेलची पावडर
• गव्हाचं पीठ
• तांदळाचे पीठ
• पाणी
• तेल

हे देखील वाचा: विकेंड बनवा खास! नाश्त्यासाठी बनवा सॉफ्ट-जाळीदार रवा इडली, पीठ आंबवण्याचीही गरज नाही

कृती:

• लाल भोपळ्याचे घारगे बनवण्यासाठी सर्वप्रथम लाल भोपळा स्वच्छ धुवून त्याची साल काढून बारीक किसून घ्या.
• त्यानंतर कढईमध्ये तूप गरम करून त्यात किसलेला भोपळा भाजण्यासाठी ठेवा. भोपळा व्यवस्थित भाजून झाल्यानंतर त्यात किसलेला गूळ टाकून मिक्स करा.
• गूळ भोपळ्यामध्ये व्यवस्थित मिक्स झाल्यानंतर त्यात वेलची पावडर आणि मीठ टाकून पुन्हा एकदा मिक्स करा.
• पीठ भिजवण्यासाठी मोठं ताट घेऊन त्यात गव्हाचं पीठ आणि तांदळाचे पीठ घेऊन मिक्स करा. नंतर त्यात तयार केलेले भोपळ्याचे गोड मिश्रण टाकून मिक्स करा.
• पीठ भिजवताना आधी मिश्रणात पाणी टाकून नये. भोपळ्याच्या मिश्रणात पीठ भिजवून घ्या. त्यानंतर पीठ मळून झाल्यावर तेल लावून पुन्हा एकदा मिक्स करा.
• कढईमध्ये तेल गरम करण्यासाठी ठेवा. घारगे बनवण्यासाठी पिठाचे छोटे गोळे करून बारीक पुऱ्या लावून गरम तेलात सोडा.
• दोन्ही बाजूने व्यवस्थित भाजल्यानंतर घारगे काढून घ्या. तयार आहेत लाल भोपळ्याचे खमंग घारगे.