उन्हाळ्यात बनवा थंडगार गुलाबाचे सरबत, चवीसोबत आरोग्यालासुद्धा होतील भरभरून फायदे

शरीरात उष्णता वाढल्यानंतर पोटात जळजळ होणे, अपचन, पचनासंबंधित समस्या उद्भवू लागतात. अशावेळी तुम्ही गुलाबाचे सरबत बनवू शकता. गुलाबाच्या पाकळ्यांमध्ये असलेले गुणधर्म त्वचा सुंदर करण्यासाठी मदत करतात.

उन्हाळ्यात सगळ्यांचं थंडगार सरबत पिण्याची इच्छा होते. ताक, दही, सरबत, कोल्ड्रिंक किंवा वेगवेगळ्या फळांचा रस या दिवसांमध्ये प्यायला जातो. थंड पदार्थांचे सेवन केल्यामुळे शरीरातील उष्णता कमी होते आणि आरोग्य सुधारण्यास मदत होते. शरीरात उष्णता वाढल्यानंतर पोटात जळजळ होणे, अपचन, पचनासंबंधित समस्या उद्भवू लागतात. अशावेळी तुम्ही गुलाबाचे सरबत बनवू शकता. गुलाबामध्ये असलेले गुणधर्म शरीरासह आरोग्यासाठी सुद्धा अतिशय प्रभावी आहेत. नेहमी नेहमी लिंबू सरबत किंवा आवळ्याचे सरबत पिऊन कंटाळा आल्यानंतर तुम्ही गुलाबाचे सरबत बनवू शकता. हे सरबत चवीसह आरोग्यासाठी सुद्धा फायदेशीर ठरतात. म्हणूनच आज आम्ही तुम्हाला सोप्या पद्धतीमध्ये गुलाबाचे सरबत बनवण्याची सोपी रेसिपी सांगणार आहोत. दुपारी बाहेर जाऊन आल्यानंतर किंवा इतर वेळी थंड पिण्याची इच्छा झाल्यानंतर तुम्ही गुलाबाच्या रसाचे सेवन करू शकता.(फोटो सौजन्य – iStock)

Recipe: मूग डाळीपासून बनवलेली कुरकुरीत मठरी खाल्ली आहे का? चहासोबत लाजवाब लागेल

साहित्य:

• गुलाब
• साखर
• लिंबू रस
• पाणी
• खाण्याचा लाल रंग

Gudi Padwa Special: घरी बनवा पारंपरिक आंबेडाळीचा नैवेद्य, त्वरित नोट करा रेसिपी

कृती:

• गुलाबाचे सरबत बनवण्यासाठी सर्वप्रथम, गुलाबाची फुल स्वच्छ धुवून घ्या. त्यानंतर पोटात पाणी घालून त्यात गुलाबाच्या पाकळ्या टाका.
• गॅसवर पाणी गरम करण्यासाठी ठेवा. पाण्याला उकळी येण्यास सुरुवात झाल्यानंतर हळूहळू पाण्याचा रंग लाल होईल.
• त्यानंतर रंग पूर्णपणे बदलल्यानंतर गॅस बंद करून घ्या. उकळलेल्या गुलाबाच्या पाकळ्या पूर्णपणे पांढऱ्या पडतील.
• टोपात पाणी गरम करून त्यात साखर टाकून पाक तयार करा. तयार केलेला साखरेचा पाक थंड करून घ्या.
• नंतर त्यात लिंबाचा रस टाकून मिक्स करा. आवश्यकता वाटल्यास तुम्ही त्यात खाण्याचा लाल रंग टाकू शकता.
• तयार करून घेलेल्या साखरेच्या पाकात गुलाब पाणी टाकून मिक्स करा आणि फ्रिजमध्ये थंड होण्यासाठी ठेवा.
• तयार आहे सोप्या पद्धतीमध्ये बनवलेला गुलाबाचा रस.