संध्याकाळच्या चहासोबत नाश्ता हवा आहे, मग उरलेल्या पोळ्यांपासून सोप्या पद्धतीमध्ये बनवा खमंग बाकरवडी

दुपारी बनवलेल्या चपात्या शिल्लक राहिल्यानंतर फेकून देण्याऐवजी सोप्या पद्धतीमध्ये बनवा बाकरवडी. लहान मुलांपासून ते अगदी मोठ्यांपर्यंत सगळ्यांचं बाकरवडी हा प्रकार खूप जास्त आवडतो. जाणून घ्या रेसिपी.

संध्याकाळच्या चहासोबत नाश्ता हवा आहे, मग उरलेल्या पोळ्यांपासून सोप्या पद्धतीमध्ये बनवा खमंग बाकरवडी

Follow Us:

Follow Us:

संध्याकाळच्या वेळी कामावरून थकून घरी आल्यानंतर सगळ्यांचं खूप भूक लागते. अशावेळी चहासोबत बिस्कीट किंवा टोस्ट बटर खाल्ले जातात. नेहमी नेहमी बाहेरील विकतचे पदार्थ खाऊन कंटाळा आल्यानंतर काहींना काही पौष्टिक आणि घरगुती पदार्थ खाण्याची इच्छा होते.अशावेळी तुम्ही उरलेल्या पोळ्यांपासून बाकरवडी बनवू शकता. लहान मुलांपासून ते अगदी मोठ्यांपर्यंत सगळ्यांचं बाकरवडी हा पदार्थ खूप जास्त आवडतो. प्रत्येक घरात दुपारच्या जेवणात बनवलेल्या पोळ्या उरलेल्या असतात. मात्र अनेकांना उरलेल्या चपात्या खायला आवडत नाही. या चपात्या फेकून देण्याऐवजी त्यापासून तुम्ही पौष्टिक आणि हेल्दी पदार्थ बनवू शकता. चपातीपासून उपमा किंवा फोडणीची चपाती इत्यादी ठरविक पदार्थ बनवले जातात. मात्र आज आम्ही तुम्हाला उरलेल्या पोळ्यांपासून बाकरवडी बनवण्याची सोपी रेसिपी सांगणार आहोत. चला तर जाणून घेऊया रेसिपी.(फोटो सौजन्य – iStock)

उन्हाळ्याच्या दिवसांमध्ये घरीच बनवा थंडगार मटका कुल्फी, पोटभर घ्या थंड पदार्थ खाण्याचा आनंद

साहित्य:

• शिल्लक राहिलेल्या चपात्या
• मीठ
• आलं
• लसूण
• तेल
• बेसन
• पाणी
• कोथिंबीर
• चिंच
• गूळ
• पांढरे तीळ

कडक उन्हाळ्यात ताक ठरेल शरीरासाठी संजीवनी! पोटाला थंडावा देण्यासाठी घरी बनवा सोप्या पद्धतीमध्ये मसालेदार ताक

कृती:

• बाकरवडी बनवण्यासाठी सर्वप्रथम, मिक्सरच्या भांड्यात हिरवी मिरची, आलं, लसूण बारीक करून घ्या.
• त्यानंतर वाटीमध्ये बेसन घेऊन त्यात पाणी टाकून मिक्स करा आणि पेस्ट बनवा. तयार करून घेतलेल्या पेस्टमध्ये हळद, चवीनुसार मीठ, लाल तिखट मसाला, गरम मसाला आणि आलं लसूण हिरवी पेस्ट टाकून मिक्स करा.
• तयार करून घेतलेल्या पेस्टमध्ये कोथिंबीर टाकून मिक्स करून बाकरवाडीच्या आतील सारण बनवा.
• उरलेल्या चपातीवर चिंच गुळाची चटणी लावून घ्या. वरून तयार करून घेतलेलं बेसनच सारण लावून त्यावर पांढरे तीळ टाकून चपातीचा रोल बनवा.
• तयार करून घेतलेला रोल सुरीच्या सहाय्याने तुम्हाला हवे त्या आकाराचे तुकडे करून कढईतील गरम तेलात तळून घ्या.
• तयार आहे सोप्या पद्धतीमध्ये बनवलेली बाकरवडी.

Web Title: How to make roti bhakarwadi at home simple food recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com