नवरात्रीच्या उपवासात दुपारच्या नाश्त्यासाठी झटपट बनवा साबूदाणा रोल्स, वाचा सिंपल रेसिपी

नवरात्रीच्या नऊ दिवसांमध्ये अनेक लोक उपवास करतात. उपवासाच्या दिवशी अनेक घरांमध्ये साबुदाणा खिचडी किंवा बटाट्याची भाजी इत्यादी पदार्थ बनवले जातात. पण तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा निर्माण होते. अशावेळी तुम्ही साबुदाणा रोल बनवू शकता. हा पदार्थ कमीत कमी वेळात आणि सोप्या पद्धतीमध्ये बनवला जातो.

उपवासासाठी सोप्या पद्धतीमध्ये बनवा साबुदाणा रोल

Follow Us:

Follow Us:

देशासह राज्यभरात सगळीकडे नवरात्री उत्सव मोठ्या उत्साहात आणि आनंदात साजरा केला जात आहे. नवरात्री उत्सवात सगळीकडे आनंद आणि चैतन्याचे वातावरण असते. या दिवसांमध्ये अनेक ठिकणी देवीची स्थापना करून विधिवत पूजा केली जाते. या दिवसांमध्ये देवीच्या नऊ रूपांची विधिवत पूजा करून गोड पदार्थांचा नैवेद्या दाखवला जातो. तसेच नऊ दिवस राज्यातील सर्वच ठिकाणी गरबा दांडियांचे आयोजन केले जाते. घटस्थानपनेच्या दिवसांपासून अनेक लोक उपवास करतात. या नऊ दिवसांच्या उपवसामध्ये कोणत्याही मांसाहारी पदार्थाचे सेवन केले जात नाही. या उपवासाच्या दिवसांमध्ये फक्त साबुदाणा खिचडी, बटाट्याची भाजी इत्यादी उपवासाचे पदार्थ खाल्ले जातात. त्यामुळे आज आम्ही तुमच्यासाठी एक सोपी रेसिपी सांगणार आहोत. हा पदार्थ तुमच्यासह घरातील सगळ्यांना नक्कीच आवडेल. चला तर जाणून घेऊया रेसिपी.(फोटो सौजन्य-istock)

साहित्य:

• भिजवलेले साबुदाणे
• बटाटे
• आलं
• शेंगदाणे
• हिरव्या मिरच्या
• कोथिंबीर
• मीठ
• काळी मिरी पावडर
• तेल

हे देखील वाचा: नवरात्रीच्या उपवासात सकाळच्या नाश्त्यासाठी बनवा हेल्दी टेस्टी स्मूदी, वाचा सोपी रेसिपी

कृती:

• साबुदाणा रोल बनवण्यासाठी सर्वप्रथम एक वाटी साबुदाणे पाण्यात काहीवेळ भिजत ठेवा.
• त्यानंतर साबुदाणे भिजल्यावर त्यातील पाणी काढून घ्या. पाणी काढून त्यात उकडून घेतलेला बटाटा मिक्स करून घ्या.
• तयार केलेल्या मिश्रणात शेंगदाण्याचा कूट टाकून मिक्स करा. नंतर त्यात बारीक चिरलेल्या हिरव्या मिरच्या, चवीनुसार मीठ, काळीमिरी पावडर टाकून मिक्स करून घ्या.
• सगळ्यात शेवटी मिश्रणामध्ये कोथिंबीर टाकून मिक्स करा. अशा पद्धतीने तुमचे पीठ तयार होईल.
• कढईमध्ये तेल गरम होण्यासाठी ठेवा. तेल गरम होईपर्यंत तयार पिठाचे तुम्हाला हवे त्या आकाराचे रोल तयार करा.
• कढईमधील तेल तापल्यानंतर त्यात रोल टाकून दोन्ही बाजूने व्यवस्थित भाजून घ्या.
• अशा पद्धतीने तयार आहेत साबुदाणा रोल. हा पदार्थ तुम्ही दह्यासोबत खाऊ शकता.

Web Title: How to make sabudana role at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com