१० मिनिटांमध्ये घरच्या घरी बनवा ‘खारे शेंगदाणे’, चवीसोबत आरोग्यासाठी सुद्धा ठरतील पौष्टिक

लहान मुलांपासून मोठ्यांपर्यंत सगळ्यांचं शेंगदाणे खायला खूप आवडतात. शेंगदाणे आरोग्यासाठी अतिशय पौष्टिक आहेत. त्यामुळे आज आम्ही तुम्हाला खारे शेंगदाणे बनवण्याची सोपी रेसिपी सांगणार आहोत.

शेंगदाणे खाणे आरोग्यासाठी अतिशय पौष्टिक आहेत. शेंगदाण्याचा वापर जेवणातील पदार्थ बनवण्यासाठी सुद्धा केला जातो. मेथीची भाजी, चटणी किंवा इतर पदार्थ बनवताना शेंगदाण्याचा वापर केला जातो.दैनंदिन आहारात शेंगदाण्याचे सेवन केल्यामुळे शरीरातील लोहाची कमतरता दूर होण्यास मदत होते. त्यामुळे नियमित मूठभर शेंगदाणे आणि गुळाचे सेवन करावे. बऱ्याचदा भूक लागल्यानंतर किंवा टाईमपास म्हणून शेंगदाण्याचे सेवन केले जातात. भाजलेले खरे शेंगदाणे सगळ्यांचं खूप आवडतात. 5 किंवा 10 रुपयांच्या छोट्याशा पुदीमध्ये मिळणारे शेंगदाणे आवडीने खाल्ले जातात. त्यामुळे आज आम्ही तुम्हाला सोप्या पद्धतीमध्ये खारे शेंगदाणे बनवण्याची सोपी रेसिपी सांगणार आहोत. या घरी बनवलेल्या शेंगदाण्याची चवसुद्धा अतिशय सुंदर लागते. चला तर जाणून घेऊया खारे शेंगदाणे बनवण्याची सोपी रेसिपी.(फोटो सौजन्य – iStock)

शरीर हायड्रेट ठेवण्यासाठी सकाळी उठल्यानंतर प्या ‘कोकम चीया सीड्स ज्युस’, पचनक्रिया राहील निरोगी

साहित्य:

• शेंगदाणे
• पाणी
• मीठ

पीठ आंबवण्याची गरज नाही, सकाळच्या नाश्त्याला झटपट बनवा बेसनाचे अप्पे; 15 मिनिटांची रेसिपी

कृती:

• खारे शेंगदाणे बनवण्यासाठी सर्वप्रथम, टोपात पाणी घेऊन व्यवस्थित उकळवून घ्या. त्यानंतर उकळलेल्या पाण्यात शेंगदाणे टाकून 10 मिनिटं शिजवून घ्या.
• उकळवून घेतलेले शेंगदाणे पाण्यातून काढून घ्या. शेंगदाणे चाळणीमध्ये काढून घ्या.
• त्यानंतर शेंगदाण्यांना मीठ लावून 4 ते 5 मिनिटं गरम पाण्याच्या टोपावर चाळणी ठेवा.
• कढई गरम करून त्यात 1 किंवा 2 चमचे मीठ घेऊन ते गरम झाल्यानंतर त्यात शेंगदाणे टाकून भाजून घ्या.
• तयार आहेत सोप्या पद्धतीमध्ये बनवलेले खारे शेंगदाणे. संध्याकाळच्या वेळी छोटी मोठी भूक लागल्यानंतर तुम्ही खारे शेंगदाणे खाऊ शकता.