सकाळच्या नाश्त्यामध्ये बनवा सोप्या पद्धतीत चमचमीत शेगाव स्पेशल कचोरी, वाचा सिंपल रेसिपी

सकाळी नाश्त्यामध्ये काय बनवावं? हा प्रश्न सर्वच महिलांना पडतो. अशावेळी तुम्ही नाश्त्यामध्ये शेगाव कचोरी बनवू शकता. शेगाव कचोरी बनवण्यासाठी जास्त वेळ लागत नाही. तुम्ही बनवलेली कचोरी घरातील सगळ्यांना नक्की आवडेल.

दिवाळी सणानिमित्त सर्वच घरांमध्ये फराळ बनवला जातो. फराळाच्या ताटात अनेक वेगवेगळे पदार्थ बनवले जातात. लाडू, चकली, चिवडा, करंजी इत्यादी अनेक पदार्थ बनवले जातात. त्यामुळे दिवाळी संपल्यानंतरसुद्धा सकाळच्या नाश्त्यात आणि संध्याकाळच्या नाश्त्यामध्ये फराळाचं खाल्ला जातो. पण सतत फराळातील तेच तेच तेलकट आणि गोड पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही नाश्त्यामध्ये शेगाव स्पेशल कचोरी बनवू शकता. ही कचोरी शेगावात खूप प्रसिद्ध आहे. पण तुम्हाला घरबसल्या शेगाव कचोरीची चव चाखायची असेल तर तुम्ही सोप्या पद्धतीमध्ये घरीसुद्धा शेगाव कचोरी बनवू शकता. त्यामुळे आज आम्ही तुम्हाला सोप्या पद्धतीमध्ये शेगाव कचोरी बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य-istock)

हे देखील वाचा: सकाळच्या नाश्त्याला बनवा टेस्टी मसाला फ्रेंच टोस्ट, अवघ्या 10 मिनिटांत तयार होते रेसिपी

साहित्य:

• बेसन
• मीठ
• मैदा
• आल्याचे बारीक तुकडे
• जिरं
• बडीशेप
• कढीपत्त्याची पान
• हळद
• लाल तिखट
• साखर
• हिंग
• तेल

हे देखील वाचा: लहान मुलांच्या आवडीचे नाचोस चाट आता घरीच बनवा, पदार्थ पाहून मुलं होतील आनंदी

कृती:

• शेगाव कचोरी बनवण्यासाठी सर्वप्रथम आल्याचे बारीक तुकडे, बडीशेप, जिरं, कढीपत्ता टाकून मिक्स करून घ्या.
• त्यानंतर तयार केलेल्या मिश्रणात हळद,लाल तिखट, साखर आणि हिंग टाकून फोडणी तयार करून घ्या.
• नंतर त्यात बेसन पीठ आणि चवीनुसार मीठ घालून मिक्स करा. मिश्रणामध्ये आवश्यकतेनुसार पाणी टाकून पेस्ट तयार करा.
• ताटामध्ये मैद्याचे पीठ घेऊन त्यात चवीनुसार मीठ आणि थोडस तेल टाकून मिक्स करून घ्या. आवश्यकतेनुसार पाणी घालून पीठ मळून ठेवा.
• मैद्याच्या पिठाचे छोटे छोटे गोळे करून त्यात तयार केलेले सारण भरून मैद्याची पारी व्यवस्थित बंद करून घ्या.
• कढईमध्ये तेल गरम करण्यसाठी ठेवा. गरम तेलात कचोरी दोन्ही बाजूने व्यवस्थित तळून घ्या.
• तयार आहे सोप्या पद्धतीमध्ये बनवलेली शेगाव स्पेशल कचोरी.