रात्रीच्या जेवणासाठी गावरान पद्धतीमध्ये झटपट बनवा शेवची भाजी, चमचमीत भाजीमुळे वाढेल जेवणाची चव

चमचमीत पदार्थ खाण्याची इच्छा झाल्यास तुम्ही सोप्या पद्धतीमध्ये शेव भाजी बनवू शकता. शेव भाजी हा पदार्थ बनवण्यासाठी जास्त साहित्य लागत नाही. चला तर जाणून घेऊया शेव भाजी बनवण्याची सोपी रेसिपी.

दिवाळीच्या दिवसांमध्ये घरी आलेल्या पाहुण्यांच्या स्वागतासाठी कायमच बाहेरून विकत पदार्थ आणले जातात. पनीर टिक्का, मिक्स व्हेज किंवा कायमच तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. फराळ आणि मिठाईतील गोड पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही गावरान पद्धतीमध्ये शेव भाजी बनवू शकता. शेव भाजी तुम्ही चपाती, भाकरी किंवा गरमागरम भातासोबत सुद्धा खाऊ शकता. बऱ्याचदा ढाब्यावर जेवायला गेल्यानंतर शेव भाजी आणि तंदूर रोटी मागवली जाते. झणझणीत चवीची शेव भाजी लहान मुलांपासून अगदी मोठ्यांपर्यंत सगळ्यांचं खूप जास्त आवडेल. शेव भाजी बनवताना लाल रंगाच्या शेवचा वापर करावा. कारण ही शेव लगेच विरघळून जात नाही. चला तर जाणून घेऊया झणझणीत शेव भाजी बनवण्याची सोपी रेसिपी.(फोटो सौजन्य – pinterest)

Anjeer Barfi : गोड पदार्थाने वाढवा सणाचा गोडवा, दिवाळीनिमित्त घरी बनवा पौष्टिक आणि स्वादिष्ट ‘अंजीर बर्फी’

साहित्य:

• लाल शेव
• लाल तिखट
• हळद
• कांदा
• टोमॅटो
• कांदा लसूण मसाला
• सुक खोबर
• लसूण पाकळ्या
• मीठ
• तेल

चविष्ट अन् पौष्टिक; सकाळच्या नाश्त्याला बनवा हिरव्या मूगडाळीचा चिला

कृती:

• शेव भाजी बनवण्यासाठी सर्वप्रथम, कढईमध्ये बारीक किसून घेतलेलं खोबर भाजून घ्या. त्यानंतर त्याच कढईमध्ये कांदा, लसूण, आल्याचा तुकडा टाकून भाजा. भाजून घेतलेले सर्व साहित्य थंड होण्यासाठी ठेवा.
• मिक्सरच्या भांड्यात भाजून घेतलेले सर्व पदार्थ आणि कोथिंबीर टाकून बारीक वाटून घ्या. पेस्ट तयार करताना त्यात तुम्ही पाणी टाकू शकता.
• कढईमध्ये तेल गरम करून त्यात तयार हळद, कांदा लसूण मसाला आणि लाल तिखट घालून हलकेसे भाजून घ्या. त्यानंतर त्यात मसाल्याचे वाटप टाकून तेल सुटेपर्यंत भाजून घ्या.
• मसाल्याला तेल सुटल्यानंतर त्यात आवश्यकतेनुसार पाणी घालून मसाल्याला एक उकळी काढून घ्या. त्यानंतर त्यात चवीनुसार मीठ टाकून मिक्स करा.
• सगळ्यात शेवटी तयार केलेल्या मसाल्यात शेव टाकून एक उकळी काढा. तयार आहे सोप्या पद्धतीमध्ये बनवलेली झणझणीत शेव भाजी.