लहान मुलांच्या डब्यासाठी झटपट बनवा भाजलेल्या शिमला मिरचीची चटणी, नोट करून घ्या पदार्थ

शिमला मिरचीची भाजी खायला कोणालाच आवडत नाही. अशावेळी तुम्ही शिमला मिरचीच्या भाजीपासून चविष्ट चटणी बनवू शकता. ही चटणी भाकरी किंवा चपातीसोबत अतिशय सुंदर लागते.

लहान मुलांसह मोठेसुद्धा भाज्या खाण्यास नकार देतात. भाज्यांची नाव ऐकल्यानंतर लहान मुलं नाक मुरडतात. पण भाज्या खाणे आरोग्यासाठी अतिशय चांगले आहे. बऱ्याचदा सकाळच्या घावपळीमध्ये डब्यासाठी नेहमीच काय भाजी बनवावी, असे अनेक प्रश्न पालकांना सतत पडतात. अशावेळी तुम्ही शिमला मिरचीची चविष्ट चटणी बनवू शकता. यापूर्वी तुम्ही शेंगदाण्याची चटणी, खोबऱ्याची चटणी किंवा टोमॅटोची चटणी खाल्ली असेल पण आज आम्ही तुम्हाला शिमला मिरचीची चटणी बनवण्याची सोपी रेसिपी सांगणार आहोत. जेवणाच्या ताटात चटणी असेल तर दोन घास जेवण जास्त जाते. याशिवाय भाकरी किंवा भातासोबत तुम्ही शिमला मिरचीची चटणी खाऊ शकता. नेहमीच घरात कांदा, बटाटा, टोमॅटो, पत्ताकोबी, फुलकोबी खाऊन कंटाळा आल्यानंतर शिमला मिरचीची चटणी बनवावी. चला तर जाणून घेउया शिमला मिरचीची चटणी बनवण्याची सोपी रेसिपी.(फोटो सौजन्य – pintrest)

श्रावणातील उपवासाच्या दिवशी घरी बनवा कुरकुरीत रताळ्याचे काप, घरातील सगळ्यांचं आवडेल पदार्थ

साहित्य:

• शिमला मिरची
• लसूण
• हिरवी मिरची
• मीठ
• आल्याचा तुकडा
• लिंबाचा रस
• काळीमिरी पावडर
• जिऱ्याची पावडर
• पुदिना
• कोथिंबीर

नागपंचमीनिमित्त सोप्या पद्धतीमध्ये घरी बनवा पारंपरिक तिळाच्या करंज्या, नोट करून घ्या पदार्थ

कृती:

• भाजलेल्या शिमला मिरचीची चटणी बनवण्यासाठी सर्वप्रथम, शिमला मिरची स्वच्छ धुवून कोरडी करा. त्यानंतर वरून तेल लावून गॅसवर व्यवस्थित भाजून घ्या.
• त्यानंतर थंड झालेल्या शिमला मिरचीचे देठ आणि साल काढून आतील बिया काढा. शिमला मिरची हाताने कुसकरून घ्या.
• मिक्सरच्या भांड्यात शिमला मिरची, हिरवी मिरची, आलं, लसूण, जिरं, काळीमिरी पावडर, चाट मसाला, दही, पुदिना, कोथिंबीर टाकून व्यवस्थित बारीक करून घ्या.
• तयार केलेली चटणी वाटीमध्ये काढून घ्या. फोडणीच्या वाटीमध्ये तेल गरम करून त्यात मोहरी, हिंग टाकून फोडणी तयार करा आणि चटणीवर टाकून मिक्स करा.
• तयार आहे सोप्या पद्धतीमध्ये बनवलेले भाजलेल्या शिमला मिरचीची चटणी.