नॉनव्हेज प्रेमींसाठी मेजवानी! रात्रीच्या जेवणात मालवणी पद्धतीमध्ये बनवा झणझणीत मसाला कोलंबी, नोट करा रेसिपी

रात्रीच्या जेवणात नेहमीच काय बनवावं हा प्रश्न सगळ्यांचं पडतो. अशावेळी तुम्ही सोप्या पद्धतीमध्ये मसाला कोळंबी बनवू शकता. जेवणात बनवलेली मसाला कोळंबी घरातील सगळेच आवडीने खातील.

लहान मुलांपासून अगदी मोठ्यांपर्यंत सगळ्यांचं मासे खायला खूप जास्त आवडतात. आठवड्यातील तीन वारांना मांसाहारी पदार्थ आवडीने खाल्ले जातात. पापलेट, बांगडा, कोळंबी, सुरमई मासे चवीसोबतच आरोग्यासाठी सुद्धा गुणकारी आहे. आपल्यातील अनेकांना कोळंबी हा प्रकार प्रचंड आवडतो. त्यापासून अनेक वेगवेगळे पदार्थ बनवले जातात. कोळंबी भात, कोळंबी फ्राय, कोळंबी खिमा इत्यादी चविष्ट पदार्थ आवडीने खाल्लेले जातात. पण आज आम्ही तुम्हाला सोप्या पद्धतीमध्ये मसाला कोळंबी बनवण्याची सोपी रेसिपी सांगणार आहोत. मसाला कोळंबी गरमागरम भात, भाकरी किंवा चपातीसोबत सुद्धा खाऊ शकता. रात्रीच्या जेवणात जर मांसाहारी पदार्थ असतील तर चार घास जेवण जास्त जात. पोट भरल्यासारखं वाटत. बाजारात स्वच्छ केलेली कोळंबी सहज उपलब्ध होते. त्यामुळे कोळंबी विकत आणून तिला मसाला लावून ठेवावे. यामुळे पदार्थाची चव वाढते. चला तर जाणून घेऊया मसाला कोळंबी बनवण्याची सोपी रेसिपी.(फोटो सौजन्य – pinterest)

Gobi Manchurian Recipe : फ्लॉवरचे कुरकुरीत मंचुरियन खाल्ले आहेत का? नोट करा रेसिपी

साहित्य:

• कोळंबी
• लाल तिखट
• कांदा
• टोमॅटो
• कोकम
• हळद
• कढीपत्ता
• आलं लसूण पेस्ट
• हिरवी मिरची
• कोथिंबीर
• मीठ

जिभेवर कायमच चव राहील रेंगाळत! १० मिनिटांमध्ये झटपट बनवा लालसर झणझणीत कांद्याचा ठेचा, नोट करून घ्या रेसिपी

कृती:

• मसाला कोळंबी बनवण्यासाठी सर्वप्रथम, मोठ्या वाटीमध्ये स्वच्छ करून धुवून घेतलेली कोळंबी घेऊन त्यात चवीनुसार मीठ आणि हळद लावून काहीवेळ ठेवून घ्या.
• कढईमध्ये तेल गरम करण्यासाठी ठेवा. गरम तेलात लसूण पाकळ्या आणि कढीपत्त्याची पाने टाकून भाजा. त्यानंतर त्यात बारीक चिरलेला कांदा आणि टोमॅटो घालून मिक्स करा.
• कांदा लवकर शिजण्यासाठी त्यात चवीनुसार मीठ घाला. त्यानंतर झाकण मारून कांदा टोमॅटो शिजण्यासाठी ठेवा.
• कांदा टोमॅटो व्यवस्थित शिजल्यानंतर त्यात आलं लसूण पेस्ट घालून काहीवेळ हलकीशी भाजा. त्यानंतर त्यात लाल तिखट, हळद, गरम मसाला आणि कोकम घालून मिक्स करा.
• मासे बनवताना त्यात आवर्जून कोकम घालावे. यामुळे पदार्थाची चव वाढते आणि माश्यांचा उगर्स वास निघून जातो.
• सर्व मसाले शिजल्यानंतर त्यात कोळंबी घालून मिक्स करा आणि झाकण मारून वाफेवर शिजवा. कोलंबी शिजल्यानंतर सगळ्यात शेवटी कोथिंबीर घालून व्यवस्थित मिक्स करा.
• तयार आहे सोप्या पद्धतीमध्ये बनवलेली मसाला कोळंबी.