Winter Snacks: सकाळच्या नाश्त्यात बनवा हिरव्यागार पालकाचे कुरकुरीत कटलेट, ठिसूळ हाडांना होतील भरमसाट फायदे

आज आम्ही तुम्हाला सकाळच्या नाश्त्यासाठी सोप्या पद्धतीमध्ये पालक कटलेट बनवण्याची रेसिपी सांगणार आहोत. पालक खायला मुलं नाक मुरडतात,अशावेळी मुलांना तुम्ही पालक कटलेट बनवून खाण्यास देऊ शकता.

थंडीच्या दिवसांमध्ये सकाळी उठल्यानंतर खूप जास्त भूक लागते. नेहमीच नाश्त्यात कांदापोहे, उपमा, शिरा, इडली, डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. नाश्त्यात खाल्लेल्या पौष्टीक पदार्थांमुळे पोट दीर्घकाळ भरलेले राहते. घरात पालेभाज्या आणल्या मुलं भाज्या खाण्यास नकार देतात. पालेभाज्यांचे नाव ऐकल्यानंतर नाक मुरडतात. पण पालेभाज्या शरीरासाठी गुणकारी आहेत. म्हणूनच आज आम्ही तुम्हाला हिरव्यागार पालकपासून कुरकुरीत कटलेट बनवण्याची सोपी रेसिपी सांगणार आहोत. पालक कटलेट चवीला अतिशय सुंदर लागतात. पालक खाल्ल्यामुळे शरीराला मुबलक प्रमाणात लोह मिळते. रक्ताची कमतरता निर्माण झाल्यानंतर पालक खाण्याचा सल्ला दिला जातो. पालक रस किंवा पालक स्मूदीचे रोजच्या आहारात नियमित सेवन केले जाते. यामध्ये आयर्न, कॅल्शियम, फायबर, मॅग्नेशियम, विटामिन आढळून येतात. चला तर जाणून घेऊया सोप्या पद्धतीमध्ये पालक कटलेट बनवण्याची सोपी रेसिपी.(फोटो सौजन्य – istock)

वरण भातासोबत लागेल चविष्ट! १० मिनिटांमध्ये कडू कारल्यापासून बनवा झणझणीत ठेचा, नोट करून घ्या रेसिपी

साहित्य:

• पालक
• आलं
• लसूण
• हिरवी मिरची
• बटाटा
• मीठ
• जिऱ्याची पावडर
• धणे पावडर
• चिली फ्लेक्स
• काळीमिरी पावडर
• ब्रेड क्रम्स
• कॉर्नफ्लॉवर
• मैदा
• तेल

साध्या जेवणाची वाढेल रंगतदार चव! सोप्या पद्धतीमध्ये घरी बनवा हॉटेलस्टाईल चमचमीत पनीर भुर्जी, नोट करून घ्या रेसिपी

कृती:

• पालक कटलेट बनवण्यासाठी सर्वप्रथम, पालक स्वच्छ साफ करून पाण्याने तीन वेळा धुवा. त्यानंतर कुकरच्या भांड्यात बटाटे उकडण्यासाठी ठेवा. त्यानंतर त्यात एक ते दोन ग्लास पाणी घालून कुकरचे झाकण लावून शिट्ट्या काढा.
• कढईमध्ये तेल गरम करून त्यात आले, हिरवी मिरची आणि लसूण घालून भाजा. त्यानंतर त्यात बारीक चिरून घेतलेला पालक घालून शिजवून घ्या.
• शिजलेली भाजी थंड केल्यानंतर मिक्सरच्या भांड्यात टाकून बारीक पेस्ट करून घ्या. मोठ्या वाटीमध्ये उकडलेले बटाटे,पालक पेस्ट, मीठ, गरम मसाला, धने पावडर, जिरे पावडर, चिली फ्लेक्स, काळी मिरी, ब्रेड क्रम्स घालून मिश्रण तयार करा.
• तयार केलेल्या मिश्रणाचे छोटे छोटे कटलेट बनवून मैदा आणि कॉर्न फ्लोअरच्या पेस्टमध्ये डीप करा. कढईमधील गरम तेलात कटलेट सोडून दोन्ही बाजूने व्यवस्थित भाजा.
• तयार आहेत सोप्या पद्धतीमध्ये बनवलेले पालक कटलेट. हा पदार्थ हिरवी चटणी किंवा सॉससोबत मस्त लागेल.