मोड आलेल्या मुगांपासून सकाळच्या नाष्ट्यात बनवा हेल्दी आणि चविष्ट चाट, वजन होईल कमी

सकाळच्या नाश्त्यात चहा बिस्कीट खाण्याऐवजी हेल्दी टेस्टी मूग चाट बनवून खावे. यामुळे शरीराला ऊर्जा मिळते आणि लवकर भूक लागत नाही. चला तर जाणून घेऊया मोड आलेल्या मुगाचे चाट बनवण्याची सोपी रेसिपी.

सकाळच्या नाश्त्यात मोड आलेले कडधान्य खाल्यामुळे आरोग्याला अनेक फायदे होतात. मोड आलेल्या कडधान्यांमध्ये मोठ्या प्रमाणात कॅल्शियम आणि प्रोटीन आढळून येते, जे आरोग्यासाठी अतिशय फायदेशीर आहे. मोड आलेले मूग पचनास अतिशय हलके असतात. त्यामुळे सकाळच्या नाश्त्यात सुद्धा तुम्ही मोड आलेल्या मुगाचे सेवन करू शकता. यामध्ये प्रथिने, फायबर, जीवनसत्त्वे आणि अनेक खनिजे आढळून येतात, ज्यामुळे शरीराला ऊर्जा मिळते. शरीराची कमी झालेली ऊर्जा वाढवण्यासाठी आहारात मुगाचे सेवन करावे. मूग खाल्यामुळे पचनक्रिया निरोगी राहते आणि शरीराला आवश्यक असलेली घटक मिळतात. सकाळच्या वेळी पौष्टिक आणि पोटभर नाश्ता केल्यामुळे संपूर्ण दिवस आनंद आणि उत्साहामध्ये जातो. शिवाय वाढलेली वजन कमी करण्यासाठी तुम्ही सकाळच्या नाश्त्यात मोड आलेल्या कडधान्यांचे सेवन करू शकता. आज आम्ही तुम्हाला मोड आलेल्या मुगांपासून चाट बनवण्याची सोपी रेसिपी सांगणार आहोत. हे चाट झटपट तयार होते.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• मोड आलेले मूग
• कांदा
• टोमॅटो
• लिंबाचा रस
• चाट मसाला
• मीठ
• डाळिंबाचे दाणे

नवनवीन रेसिपीसाठी इथे क्लिक करा

कृती:

• मोड आलेल्या मुगाचे चाट बनवण्यासाठी सर्वप्रथम, मूग पाण्यात भिजत ठेवा. पाच तासांनंतर मूगांमधील पाणी काढून कॉटनच्या कापडामध्ये मूग घट्ट बांधून ठेवा.
• सकाळी मोड आलेले मूग बॉऊलमध्ये घेऊन त्यात बारीक चिरून घेतलेला कांदा आणि टोमॅटो टाकून मिक्स करून घ्या.
• नंतर त्यात चाट मसाला आणि चवीनुसार मीठ टाकून मिक्स करा.
• नंतर त्यात लिंबाचा रस आणि डाळिंबाचे दाणे टाकून मिक्स करा. तुम्हाला हवे असल्यास तुम्ही यात बारीक चिरून घेतलेली काकडी किंवा इतर कडधान्य सुद्धा टाकू शकता.
• तयार आहे सोप्या पद्धतीमध्ये बनवलेले मोड आलेल्या मुगाचे चाट.