Navratri 2026: नवरात्रीच्या सहाव्या दिवशी देवीच्या नैैवेद्यासाठी बनवा केळ्याचा चविष्ट हलवा, नोट करून घ्या झटपट तयार होणारी रेसिपी

Navratri 2026: नवरात्रीमध्ये देवीच्या नैवेद्यासाठी सोप्या पद्धतीमध्ये तुम्ही पिकलेल्या केळीचा हलवा बनवू शकता. हा पदार्थ कमीत कमी साहित्यात झटपट तयार होतो. चला तर जाणून घेऊया रेसिपी.

Navratri 2026: नवरात्रीच्या नऊ दिवसांमध्ये देवी दुर्गेच्या विविध रूपांची पूजा केली जाते. याशिवाय महिला आणि पुरुष उपवास करतात. उपवासाच्या दिवसांमध्ये घरात वेगवेगळे पदार्थ बनवले जातात. नवरात्रीच्या नऊ दिवसांमध्ये देवीची मनोभावे पूजा करून घरात गोड पदार्थांचा नैवेद्य बनवला जातो. नैवेद्यात नऊ दिवस वेगवेगळे नऊ पदार्थ बनवले जातात. त्यामुळे नवरात्रीच्या सहाव्या दिवशी देवीच्या नैवेद्यासाठी केळीचा हलवा बनवू शकता. केळी खायला सगळ्यांचं खूप जास्त आवडतात. केळीपासून बनवलेले पदार्थ शरीरासाठी सुद्धा गुणकारी आहेत. बऱ्याचदा घरात केळी आणल्यानंतर ती उष्णतेमुळे मऊ होऊन जातात. मऊ झालेली केळी खाण्याचा कंटाळा केला जातो. अशावेळी केळीचा वापर करून वेगवेगळे पदार्थ बनवावेत. चला तर जाणून घेऊया केळीचा हलवा बनवण्याची सोपी रेसिपी.(फोटो सौजन्य – pinterest)

Navratri Fast Recipe: तेलकट पदार्थ खाल्ल्यामुळे ॲसिडीटी होते? मग नवरात्रीच्या उपवासात खा कच्चा केळीचे पराठे, नोट करा रेसिपी

साहित्य:

• पिकलेली केळी
• साखर
• काजू
• बदाम
• मनुका
• तूप
• वेलची पावडर
• केशर
• रवा
• दूध

Navratri 2026 : नवरात्रीच्या पाचव्या दिवशी देवी स्कंदमातेला अर्पिण करा मखाना-नारळाची चवदार बर्फी, रेसिपी नोट करा

कृती:

• केळीचा हलवा बनवण्यासाठी सर्वप्रथम, कढईमध्ये अर्धा वाटी रवा मंद आचेवर भाजा. रवा भाजून झाल्यानंतर थंड करण्यासाठी ठेवा.
• कढईमध्ये तूप गरम करून त्यात पिकलेली केळी घाला आणि मंद आचेवर लालसर होईपर्यंत शिजवा. त्यानंतर त्यात भाजलेला रवा घालून मंद आचेवर भाजून घ्या.
• रव्याचा रंग लालसर झाल्यानंतर त्यात गरम केलेले पाणी आणि दूध एकत्र घालून चमच्याने मिक्स करा.
• पदार्थाची चव वाढवण्यासाठी तुमच्या आवडीनुसार साखर घालून मिक्स करा. त्यानंतर ५ मिनिटं झाकण ठेवून हलवा शिजवून द्यावा.
• शिजवलेल्या हलव्यात वेलची पावडर, सुका मेवा, केशरचे दूध घालून व्यवस्थित मिक्स करा.
• तयार आहे सोप्या पद्धतीमध्ये बनवलेला स्वादिष्ट पिकलेल्या केळीचा हलवा. हा पदार्थ चवीला अतिशय सुंदर लागेल.