Guava Pickle: साधा वरणभात सुद्धा लागेल चविष्ट! १० मिनिटांमध्ये झटपट बनवा कच्च्या पेरूचे चटपटीत लोणचं, नोट करा रेसिपी

Guava Pickle: लहान मुलांपासून ते अगदी मोठ्यांपर्यंत सगळ्यांचं पेरू खायला खूप जास्त आवडतो. त्यामुळे जेवणाची चव वाढवण्यासाठी सोप्या पद्धतीमध्ये घरात पेरूचे लोणचं बनवू शकता. या पद्धतीने बनवलेले पेरूचे लोणचं चवीला अतिशय सुंदर लागते.

Guava Pickle: बाजारात मोठ्या प्रमाणात पेरू उपलब्ध झाले आहेत. पेरू पाहिल्यानंतर सगळ्यांच्या तोंडाला पाणी सुटते. पेरू कापून त्यावर लाल तिखट आणि मीठ लावून खाल्ले जाते. वर्षभर बाजारात उपलब्ध असलेले पेरू हे फळ चवीसोबतच शरीरासाठी सुद्धा फायदेशीर आहे. पेरूपासून विविध पदार्थ बनवले जातात. पेरुमध्ये भरपूर प्रमाणात फायबर, विटामिन सी आणि अँटीऑक्सिडंट्स मोठ्या प्रमाणावर आढळून येतात. त्यामुळे विटामिन सी वाढवण्यासाठी नियमित एक पेरू खाण्याचा सल्ला दिला जातो. पेरू खाल्ल्यामुळे पचनक्रिया सुधारते. आज आम्ही तुम्हाला सोप्या पद्धतीमध्ये पेरूचे चटपटीत लोणचं बनवण्याची सोपी रेसिपी सांगणार आहोत. या पद्धतीने बनवलेले चटपटीत पेरूचे लोणचं साध्या वरण भातासोबत सुद्धा मस्त लागते. हे लोणचं दोन ते तीन आठवड्यांपर्यंत व्यवस्थित टिकून राहते. चला तर जाणून घेऊया रेसिपी.(फोटो सौजन्य – pinterest)

Navratri 2026 : नवरात्रीच्या व्रतात काही चटपटीत खायचंय? मग अशाप्रकारे बनवा ‘उपवासाचा बटाटा बडा’

साहित्य:

• पेरू
• मोहरीचे तेल
• पिवळी मोहरी
• बडीशेप
• मेथी दाणे
• हिंग
• हळद
• काश्मिरी लाल तिखट
• आमचूर पावडर
• लिंबाचा रस
• साधे मीठ

Navratri 2026: नवरात्रीच्या सहाव्या दिवशी देवीच्या नैैवेद्यासाठी बनवा केळ्याचा चविष्ट हलवा, नोट करून घ्या झटपट तयार होणारी रेसिपी

कृती:

• पेरूचे लोणचं बनवण्यासाठी , पेरू पाण्याने स्वच्छ धुवून घ्या. त्यानंतर कोरडा करून मध्यम आकारात तुकडे करा.
• पेरू कापताना आतील बिया काढून टाकाव्यात. यामुळे बिया दातांमध्ये अडकणार नाहीत आणि चव सुद्धा मस्त लागेल.
• पॅनमध्ये बडीशेप, मेथी दाणे आणि मोहरी मंद आचेवर लालसर होईपर्यंत भाजा. भाजल्यामुळे पदार्थांचा कच्चेपणा कमी होण्यास मदत होईल.
• त्यानंतर भाजून घेतलेले मसाले थंड करून मिक्सरच्या भांड्यात ओता आणि बारीक वाटून पावडर तयार करा.
• कढईमध्ये मोहरीचे तेल गरम करण्यासाठी ठेवा. त्यानंतर हलकेसे कोमट झाल्यानंतर त्यात हिंग, कलौंजी, हळद, लाल तिखट, साधे मीठ, काळे मीठ आणि तयार केलेला मसाला ओतून मिक्स करा.
• त्यानंतर त्यात पेरूचे तुकडे आणि लिंबाचा रस टाकून मिक्स करा. तयार केलेले लोणचं काचेच्या बरणीमध्ये भरून ठेवा.
• तयार आहे सोप्या पद्धतीमध्ये बनवलेले चटपटीत पेरूचे लोणचं.