संध्याकाळच्या नाश्त्यासाठी १० मिनिटांमध्ये बनवा हेल्दी टेस्टी sprouts chat, वजन राहील कायमच नियंत्रणात

वाढलेले वजन कमी करण्यासाठी अनेक लोक भूक लागल्यानंतर सुद्धा जेवण करणे टाळतात. अशावेळी तुम्ही कडधान्यांचे चाट बनवू शकता. यामुळे तुमचे वाढलेले वजन कमी होईल आणि लवकर भूक लागणार नाही.

वाढलेले वजन कमी करण्यासाठी महिलांसह पुरुष सुद्धा सतत काहींना काही करत असतात. आहारात बदल करणे, जिममध्ये जाऊन तासनतास व्यायाम करणे, प्रोटीनशेक इत्यादी अनेक गोष्टी केल्या जातात. मात्र आहारात कोणत्याही पदार्थांचे आणि प्रोटीनशेकचे सेवन केल्यामुळे शरीराला हानी पोहचण्याची शक्यता असते. प्रोटीनशेक पिणे आरोग्यासाठी अतिशय धोकादायक आहे. यामुळे किडनीला इजा होण्याची जास्त शक्यता असते. वजन कमी करण्यासाठी संध्याकाळच्या नाश्त्यात कडधान्य किंवा चाटचे सेवन करावे. यामुळे वजन नियंत्रणात राहते आणि शरीराला अनेक फायदे होतात. म्हणूनच आज आम्ही तुम्हाला स्प्राउट्स चाट बनवण्याची सोपी रेसिपी सांगणार आहोत. यामध्ये प्रथिने, फायबर आणि जीवनसत्त्वे मोठ्या प्रमाणावर आढळून येतात. तसेच संध्याकाळच्या नाश्त्यात चाट खाल्यामुळे दीर्घकाळ पोट भरलेले राहते आणि लवकर भूक लागत नाही. चला तर जाणून घेऊया स्प्राउट्स चाट बनवण्याची सोपी रेसिपी.(फोटो सौजन्य – istock)

सकाळच्या नाश्त्यात लहान मुलांसह मोठ्यांसाठी झटपट बनवा बन डोसा, नोट करून घ्या रेसिपी

साहित्य:

• मूग
• मटकी
• इतर धान्य
• कांदा
• टोमॅटो
• काकडी
• गाजर
• डाळिंबाचे दाणे
• लिंबाचा रस
• भाजलेल्या जिऱ्याची पावडर
• चाट मसाला
• कोथिंबीर
• मीठ

Father’s Day 2025: आपल्या वडिलांसाठी काही खास करा, घरी बनवा सोपा आणि टेस्टी रवा केक

कृती:

• स्प्राउट्स चाट बनवण्यासाठी सर्वप्रथम, तुमच्या आवडीनुसार सर्व कडधान्य रात्रभर पाण्यात भिजत ठेवा. त्यानंतर सकाळी त्यातील पाणी काढून कॉटनच्या कपड्यात धान्य बांधून ठेवा. यामुळे कडध्यानला मोड लगेच येईल.
• मोड आलेले कडधान्य गरम पाण्यात टाकून शिजवून घ्या. तुम्हाला हवे असल्यास तुम्ही धान्य पूर्ण शिजवू शकता.
• शिजवून घेतलेली कडधान्य गाळून मोठ्या बाऊलमध्ये घ्या. त्यानंतर त्यात बारीक चिरलेला कांदा, टोमॅटो आणि बारीक केलेली मिरची टाकून मिक्स करा.
• नंतर त्यात काकडी, डाळिंबाचे दाणे, भाजलेल्या जिऱ्याची पावडर आणि लिंबाचा रस टाकून मिक्स करा.
• नंतर त्यात चाट मसाला आणि कोथिंबीर टाकून मिक्स करा. तयार आहे सोप्या पद्धतीमध्ये बनवलेले स्प्राउट्स चाट. हा पदार्थ घरातील लहान मुलांसोबत सगळेच खाऊ शकता.