Recipe : पार्टी स्नॅक्ससाठी खास, घरी बनवा हाॅटेल स्टाईल ‘स्टफ्ट्ड मशरुम’, चव जी पाहुण्यांना करेल खुश

Stuffed Mushroom Recipe : तुम्ही आजवर मशरुमची भाजी खाल्ली असेल पण मशरुमपासून तयार होणारा स्टार्टरचा हा प्रकार जर तुम्ही अद्याप चाखला नसेल तर ही रेसिपी नक्की ट्राय करा. पार्टी स्नॅक्ससाठी किंवा सध्याकाळच्या नाश्त्यासाठी हा एक उत्तम पर्याय ठरतो.

• मशरुमपासून तुम्ही एक टेस्टी स्टार्टर तयार करु शकता.
• आज आपण स्टफ्ड मशरुम घरी कसे बनवायेच ते जाणून घेणार आहोत.
• ही रेसिपी फार सोपी असून अवघ्या काही मिनिटांतच ती तयार होती.

मशरूम हा प्रथिनांचा आणि पोषक घटकांचा उत्तम स्रोत मानला जातो. त्यापासून अनेक स्वादिष्ट पदार्थ तयार केले जातात, पण स्टफ्ड मशरूम हा त्यातील एक खास आणि आकर्षक पदार्थ आहे. बाहेरून मऊ आणि रसाळ मशरूममध्ये मसालेदार आणि चीजयुक्त सारण भरून तयार केलेली ही डिश चवीला अप्रतिम लागते. घरातील छोट्या समारंभांपासून ते खास पाहुण्यांसाठी स्टार्टर म्हणूनही स्टफ्ड मशरूम उत्तम पर्याय ठरतो.

Recipe : सकाळच्या नाश्त्यासाठी परफेक्ट, घरी बनवा लज्जतदार आणि खमंग ‘चीज पराठा’, काही मिनिटांची रेसिपी

या रेसिपीमध्ये मशरूमच्या नैसर्गिक चवीला भाज्या, मसाले आणि चीजची साथ मिळते, ज्यामुळे प्रत्येक घास अधिक स्वादिष्ट बनतो. ही डिश बनवण्यासाठी फार वेळ लागत नाही आणि साहित्यही सहज उपलब्ध असते. मुलांपासून मोठ्यांपर्यंत सर्वांनाच आवडणारा हा पदार्थ संध्याकाळच्या स्नॅक्ससाठी किंवा पार्टी मेनूमध्ये नक्कीच समाविष्ट करता येतो.

साहित्य

• 12 मोठे बटन मशरूम
• 1 लहान कांदा बारीक चिरलेला
• 1/4 कप सिमला मिरची बारीक चिरलेली
• 2 लसूण पाकळ्या बारीक चिरलेल्या
• 1/2 कप किसलेले चीज
• 2 टेबलस्पून ब्रेडक्रम्ब्स
• 1 टीस्पून चिली फ्लेक्स
• 1/2 टीस्पून काळी मिरी पावडर
• 1 टेबलस्पून बटर
• मीठ चवीनुसार

कडाक्याच्या उन्हाळ्यात शरीर राहील कूल! पाणीदार काकडीपासून १० मिनिटांमध्ये बनवा चविष्ट कुरकुरीत धिरडं, नोट करा पौष्टिक रेसिपी

कृती

• सर्वप्रथम मशरूम स्वच्छ धुवून त्यांचे देठ अलगद काढा आणि देठ बारीक चिरून ठेवा.
• पॅनमध्ये बटर गरम करून त्यात लसूण, कांदा आणि सिमला मिरची परतून घ्या.
• त्यात चिरलेले मशरूम देठ घालून 2-3 मिनिटे शिजवा.
• आता मीठ, काळी मिरी, चिली फ्लेक्स आणि ब्रेडक्रम्ब्स घालून मिश्रण एकजीव करा.
• गॅस बंद करून त्यात अर्धे किसलेले चीज मिसळा.
• तयार सारण मशरूमच्या पोकळ भागात भरा आणि वरून उरलेले चीज शिंपडा.
• 180°C तापमानावर प्रीहीट केलेल्या ओव्हनमध्ये 12-15 मिनिटे बेक करा. गरमागरम स्टफ्ड मशरूम सर्व्ह करा.
• स्टफ्ड मशरूमसोबत गार्लिक डिप, मायोनेझ किंवा हर्ब सॉस दिल्यास त्याची चव आणखी खुलते.