उपवासाच्या दिवशी शरीरातील कमी झालेली ऊर्जा वाढवण्यासाठी नाश्त्यात बनवा रताळ्याचा किस, नोट करून घ्या रेसिपी

लहान मुलांपासून अगदी मोठ्यांपर्यंत सगळ्यांच्या आरोग्यासाठी रताळ अतिशय पौष्टिक आहे. त्यामुळे उपवासाच्या दिवशी सकाळच्या नाश्त्यात रताळ्याचा किस बनवू शकता. जाणून घ्या रेसिपी.

आज श्रावण महिन्यातील दुसरा सोमवार आहे. श्रावणातील प्रत्येक सोमवारी महिला उपवास करतात. उपवास करून शंकराची मनोभावे पूजा केली जाते. याशिवाय या महिन्यात अनेक घरांमध्ये पूजापाठ, व्रत, शांती इत्यादी अनेक धार्मिक सोहळे असतात. उपवासाच्या दिवशी बराच वेळ कोणत्याही पदार्थांचे सेवन न केल्यामुळे शरीरातील ऊर्जा काहीशी कमी होऊन जाते. सतत थकवा, अशक्तपणा जाणवू लागतो. अशावेळी शरीरातील ऊर्जा वाढवण्यासाठी पौष्टिक आणि हेल्दी पदार्थांचे सेवन करावे. आज आम्ही तुम्हाला सोप्या पद्धतीमध्ये रताळ्याचा किस बनवण्याची सोपी रेसिपी सांगणार आहोत. या पद्धतीने बनवलेला रताळ्याचा किस चवीला अतिशय सुंदर लागतो. याशिवाय वाढलेले वजन कमी करतानासुद्धा रताळ्याचे सेवन केले जाते. चला तर जाणून घेऊया रताळ्याचा किस बनवण्याची सोपी रेसिपी.(फोटो सौजन्य – istock)

श्रावण कांदा लसूणचा वापर न करता झटपट बनवा झणझणीत मसूर आमटी, वाफाळत्या भातासोबत लगेच चविष्ट

साहित्य:

• रताळी
• शेंगदाण्याचा कूट
• जिरं
• तूप
• हिरवी मिरची
• ओल खोबर

शरीरातील ऊर्जा कायम टिकून ठेवण्यासाठी सोप्या पद्धतीमध्ये घरी बनवा मावा लस्सी, नोट करून घ्या चविष्ट पदार्थ

कृती:

• रताळ्याचा किस बनवण्यासाठी रताळी स्वच्छ पाण्याने धुवून घ्या. त्यानंतर रताळ्याच्या वरील साल काढा आणि रताळी किसून घ्या.
• कढईमध्ये तूप गरम करून त्यात जिरं आणि बारीक चिरून घेतलेली हिरवी मिरची टाकून भाजा.
• नंतर त्यात किसून घेतलेला रताळ्याचा किस टाकून मिक्स करा. सर्व पदार्थ मिक्स झाल्यानंतर त्यात चवीनुसार मीठ टाकून ५ मिनिटं रताळी वाफेवर शिजवून घ्या.
• त्यानंतर त्यात शेंगदाण्याचा कूट आणि थोडीशी साखर टाकून व्यवस्थित मिक्स करा.
• सगळ्यात शेवटी रताळी व्यवस्थित शिजल्यानंतर त्यात ओल्या खोबऱ्याचा किस टाकून मिक्स करून घ्या.
• तयार आहे सोप्या पद्धतीमध्ये बनवलेला रताळ्याचा किस. हा पदार्थ उपवासाच्या दिवशी शरीराची ऊर्जा वाढवेल.