उपवासाच्या दिवशी पौष्टिक पदार्थ हवा आहे? मग १० मिनिटांमध्ये बनवा चविष्ट ‘रताळ्याचे थालीपीठ’

उपवासाच्या दिवशी साबुदाण्याची खिचडी खाण्याऐवजी सोप्या पद्धतीमध्ये रताळ्याचे थालीपीठ नक्की बनवून पहा. रताळं खाल्यामुळे पोटही लगेच भरते आणि आरोग्यालासुद्धा फायदे होतात. चला तर जाणून घेऊया थालीपीठ बनवण्याची सोपी रेसिपी.

संपूर्ण देशभरात महाशिवरात्री हा सण मोठ्या आनंद आणि उत्साहात साजरा केला जातो. या दिवशी सकाळी लवकर उठून भगवान शंकराची पूजा केली जाते. पूजा केल्यानंतर भगवान शंकराला गोड पदार्थांचा नैवेद्य दाखवला जातो. याशिवाय अनेक महिला आणि पुरुष उपवास करतात. उपवासाच्या दिवशी दैनंदिन आहारातील पदार्थांचे सेवन न करता उपवासाच्या पदार्थांचे सेवन केले जाते. उपवासाच्या दिवशी साबुदाण्याची खिचडी, रताळ्याची भाजी, वरीचा भात इत्यादी ठराविक पदार्थ बनवले जातात. मात्र नेहमी नेहमी तेच पदार्थ खाऊन कंटाळा आल्यानंतर तुम्ही उपवासाचे थालीपीठ बनवू शकता. रताळ्याचे थालीपीठ चवीला अतिशय सुंदर लागते. चला तर जाणून घेऊया रताळ्याचे थालीपीठ बनवण्याची सोपी रेसिपी.(फोटो सौजन्य – iStock)

Mahashivratri: यंदाच्या वर्षी महाशिवरात्रीच्या उपवासात बनवा चविष्ट पौष्टिक वरीची इडली, पचनास आहे हलकी

साहित्य:

• रताळी
• राजगिऱ्याचे पीठ
• शिंगाड्याचे पीठ
• मीठ
• हिरवी मिरची पेस्ट
• वरीच्या तांदळाचे पीठ
• साबुदाण्याचे पीठ
• साखर
• पाणी
• तूप

महाशिवरात्रीसाठी सोप्या पद्धतीमध्ये बनवा चटकदार फराळी मिसळ, उपवासाच्यादिवशी होईल खास बेत

कृती:

• रताळ्याचे थालीपीठ बनवण्यासाठी सर्वप्रथम, रताळी स्वच्छ धुवून कुकरमधून उकडवून घ्या.
• मोठ्या बाऊलमध्ये राजगिरा, भगर, साबुदाणा, शिंगाड्याचे पीठ घेऊन सर्व पीठ एकत्र मिक्स करून घ्या.
• त्यानंतर त्यात रताळ्याचा किस घालून मिक्स करा. चवीनुसार मीठ घालून त्यात बारीक करून घेतलेली मिरची, साखर घालून मिश्रण तयार करा.
• तयार केलेल्या पिठामध्ये आवश्यकतेनुसार पाणी घालून घट्टसर मिश्रण तयार करा.
• तयार केलेल्या पिठाचे मध्यम आकाराचे गोळे बनवून कॉटनच्या रुमालावर थालीपीठ थापून घ्या.
• गरम तव्यावर तेल टाकून नंतर तयार केलेले थालीपीठ घालून व्यवस्थित दोन्ही बाजूने भाजून घ्या.
• तयार आहे सोप्या पद्धतीमध्ये बनवलेले उपवासाचे रताळ्याचे चविष्ट थालीपीठ.