दुपारच्या जेवणाची चव लागेल सुंदर! झटपट घरी बनवा चमचमीत टोमॅटोचे भरीत, नोट करून घ्या रेसिपी

लहान मुलांना टोमॅटो खायला आवडत नाही. अशावेळी तुम्ही मुलांना टोमॅटो भरीत खाण्यास देऊ शकता. जेवणाच्या ताटात टोमॅटोचे भरीत असेल तर जेवण चार घास जास्त जाईल. जाणून घ्या टोमॅटोचे भरीत बनवण्याची रेसिपी.

सुट्टीच्या दिवशी दुपारच्या जेवणात नेहमीच काय बनवावं? हा प्रश्न सगळ्यांचं पडतो. रविवारच्या दिवशी घरात मच्छी, चिकन किंवा इतर शाहाकारी पदार्थ बनवले जातात. मात्र हल्ली पावसाळ्याच्या दिवसांमध्ये बाजारात मच्छी उपलब्ध नसते. अशावेळी चमचमीत टोमॅटोचे भरीत बनवू शकता. घरात नेहमीच वांग्याचे भरीत, कारल्याचे भरीत किंवा शिमला मिरचीचे भरीत बनवले जाते. यासोबतच तुम्ही टोमॅटोचे सुद्धा भरीत बनवू शकता. चवीला आंबटगोड असलेल्या टोमॅटोपासून अनेक वेगवेगळे पदार्थ बनवले जातात. मात्र नेहमीच तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. टोमॅटोचा वापर डाळ,भाजी, पुलाव इत्यादी सर्वच पदार्थ बनवताना केला जातो. टोमॅटोचे भरीत तुम्ही भाकरी किंवा चपातीसोबत खाऊ शकता.(फोटो सौजन्य – pinterest)

पारंपरिक उड्डपी स्टाईल परफेक्ट शेवग्याचे सांबार आता घरीच बनवा, इडली डोसासोबत लागेल चविष्ट

साहित्य:

• टोमॅटो
• लसूण
• कांदा
• लाल तिखट
• मोहरी
• कोथिंबीर
• कढीपत्ता
• गरम मसाला
• कोथिंबीरीचे देठ

राजमा खायला आवडत नसेल तर सोप्या पद्धतीमध्ये घरी बनवा कुरकुरीत राजमा टॅकोज, नोट करून घ्या रेसिपी

कृती:

• टोमॅटोचे भरीत बनवण्यासाठी सर्वप्रथम, टोमॅटो स्वच्छ धुवून त्यांचे देठ काढून घ्या. त्यानंतर टोमॅटो कॉटनच्या कपड्याने स्वच्छ पुसून घ्या.
• त्यानंतर गॅस चालू करून टोमॅटो भाजण्यासाठी ठेवा. टोमॅटो भाजल्यानंतर हळूहळू टोमॅटोचा रंग बदलू लागेल.
• पॅन गरम करून त्यात हिरव्या मिरच्या, लसूण पाकळ्या, कोथिंबीरीचे देठ घेऊन हलकेसे भाजून घ्या आणि थंड करून बारीक पेस्ट तयार करा.
• भाजून घेतलेले टोमॅटो थंड झाल्यानंतर त्यांच्या वरील साल काढून घ्या. त्यानंतर बारीक बारीक तुकडे करा.
• पॅनमध्ये तेल गरम करून त्यात जिरे, मोहरी, कढीपत्ता आणि मिक्सरमधून वाटून घेतलेली पेस्ट टाकून व्यवस्थित भाजून घ्या. पेस्टला तेल सुटल्यानंतर त्यात कांदा टाकून मिक्स करा.
• कांदा शिजल्यानंतर त्यात चवीनुसार मीठ घालून मिक्स करा. नंतर त्यात लाल तिखट, हळद, गरम मसाला आणि भाजून घेतलेले टोमॅटो टाकून मिक्स करा.
• मंद आचेवर तयार केलेले भरीत व्यवस्थित शिजवून घ्या. सगळ्यात शेवटी वरून बारीक चिरलेली कोथिंबीर टाकून मिक्स करा.
• तयार आहे सोप्या पद्धतीमध्ये बनवलेले टोमॅटोचे भरीत. हा पदार्थ घरातील सगळ्यांना नक्कीच आवडेल.