डब्यात भाजी काय बनवावी सुचत नाहीये? मग अशावेळी बनवा झणझणीत टोमॅटोची चटणी

डाळ, भाजी, खिचडी किंवा इतर कोणतेही पदार्थ बनवताना टोमॅटो हे लागतातच. त्यामुळे तुम्ही टोमॅटोपासून झणझणीत चटणी बनवू शकता. तसेच तुम्ही डब्यासाठी वेगवेगळ्या प्रकारच्या चटण्या बनवू शकता.

सकाळी घाईगडबडीच्या वेळी डब्यात भाजी काय बनवून बनवावी, असा प्रश्न सर्वच महिलांना पडतो. दररोज कडधान्य आणि इतर भाज्या खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही टोमॅटोपासून चटणी बनवू शकता. प्रत्येक स्वयंपाक घरात टोमॅटो ही भाजी असतेच. डाळ, भाजी, खिचडी किंवा इतर कोणतेही पदार्थ बनवताना टोमॅटो हे लागतातच. त्यामुळे तुम्ही टोमॅटोपासून झणझणीत चटणी बनवू शकता. तसेच तुम्ही डब्यासाठी वेगवेगळ्या प्रकारच्या चटण्या बनवू शकता. कारण घाईगडबडीमध्ये भाजी नसेल तर लगेच चटणी डब्यात घेऊन जाता येते. टोमॅटोची चटणी प्रत्येक ऋतूमध्ये बनवली जाते. तसेच बाजारात सुद्धा प्रत्येक ऋतूमध्ये टोमॅटो उपलब्ध असतात. टोमॅटोची चटणी केवळ चवीसाठीच नाहीतर आरोग्यासाठी सुद्धा अतिशय गुणकारी आणि पौष्टिक आहे. चला तर जाणून घेऊया टोमॅटो चटणी बनवण्याची रेसिपी.(फोटो सौजन्य-istock)

साहित्य:

• टोमॅटो
• मीठ
• लाल तिखट
• हळद
• लसूण
• कोथिंबीर
• मोहरी
• तेल
• हिंग

हे देखील वाचा: Diwali 2024: दिवाळीत घरीच बनवा मऊ रसरशीत गुलाबजाम, जाणून घ्या परफेक्ट रेसिपी

कृती:

• टोमॅटो चटणी बनवण्यासाठी सर्वप्रथम टोमॅटो, लाल मिरच्या, लसूण स्वच्छ करून घ्या.
• त्यानंतर कढईमध्ये तेल गरम करण्यासाठी ठेवा. तेल गरम झाल्यानंतर त्यात मोहरी टाकून व्यवस्थित भाजून घ्या. नंतर त्यात हिंग टाका.
• नंतर त्यात लसूण आणि लाल मिरच्या, टोमॅटो टाकून व्यवस्थित शिजवून घ्या. टोमॅटो व्यवस्थित मऊ शिजवून घ्या.
• टोमॅटो शिजल्यानंतर त्यात कोथिंबीर आणि मीठ टाकून पुन्हा एकदा मिक्स करून घ्या.
• मिक्सरच्या भांड्यात तयार केलेली टोमॅटोचे मिश्रण टाकून थोडेसे पाणी टाकून वाटून घ्या.
• नंतर चटणी वाटीमध्ये काढून त्यात हिंग टाकून मिक्स करा.
• तयार आहे सोप्या पद्धतीमध्ये बनवलेली टोमॅटोची चटणी.