१० मिनिटांमध्ये झटपट बनवा चविष्ट टोमॅटो चटणी! पराठा-चपातीसोबत लागेल सुंदर, नोट करा रेसिपी

बऱ्याचदा लहान मुलं भाजीमधील टोमॅटो बाहेर काढून टाकतात. त्यामुळे मुलांसाठी तुम्ही झटपट टोमॅटोची चटणी बनवू शकता. हा पदार्थ चपाती, पराठा किंवा इतर कोणत्याही पदार्थासोबत तुम्ही खाऊ शकता.

प्रत्येक घरात सकाळच्या नाश्त्यासाठी किंवा दुपारच्या जेवणात चपाती, पराठा किंवा डोसा बनवला जातो. हे पदार्थ बनवल्यानंतर त्याच्यासोबत खाण्यासाठी एकतर भाजी बनवली जाते किंवा खोबऱ्याची चविष्ट चटणी बनवली जाते. पण नेहमी नेहमी खोबऱ्याची चटणी खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. त्यामुळे आज आम्ही तुम्हाला चटपटीत टोमॅटोची चटणी बनवण्याची सोपी रेसिपी सांगणार आहोत. टोमॅटोची चटणी लहान मुलांपासून अगदी मोठ्यांपर्यंत सगळ्यांचं खूप जास्त आवडते. जेवणात काहीवेळा भाजीची बनवली जात नाही, अशावेळी टोमॅटोची चटणी हा एक उत्तम पर्याय आहे. बऱ्याचदा घरात भाजी उपलब्ध नसते पण घरात कांदा आणि टोमॅटो तर नक्कीच असतो. त्यामुळे कांदा टोमॅटोचा वापर करून तुम्ही चवदार चटणी बनवू शकता. चला तर जाणून घेऊया आंबटगोड टोमॅटोची चटणी बनवण्याची रेसिपी.(फोटो सौजन्य – istock)

Mini Cakes Recipe: कमीत कमी साखरेचा वापर करून झटपट बनवा हनी केक, नोट करून घ्या चवदार पदार्थ

साहित्य:

• टोमॅटो
• कांदा
• मीठ
• लसूण
• आलं
• गूळ
• लाल तिखट
• मोहरी
• हिंग
• कढीपत्ता

कोणतेही केमिकल आणि प्रिझर्व्हेटीव्हचा वापर न करता अर्ध्या तासात झटपट बनवा आंबटगोड चवीचा टोमॅटो सॉस

कृती:

• चटपटीत टोमॅटोची चटणी बनवण्यासाठी सर्वप्रथम, कांदा आणि टोमॅटो स्वच्छ करून दोन्ही भाज्या बारीक चिरून घ्या.
• त्यानंतर मिक्सरच्या भांड्यात कांदा, टोमॅटो, आलं, लसूण आणि जिरं घालून बारीक पेस्ट तयार करा.
• चटणी मिक्सरमधून बारीक वाटताना त्यात अजिबात पाणी घालू नये. यामुळे चटणी खराब होण्याची शक्यता असते.
• कढईमध्ये तेल गरम करून त्यात हिंग, मोहरी आणि जिरं घालून भाजा आणि नंतर त्यात कढीपत्त्याची पाने घालून भाजा.
• त्यानंतर त्यात तयार केलेली चटणी घालून लाल तिखट, चवीनुसार मीठ आणि गूळ घालून मिक्स करा.
• मध्यम आचेवर चटणी व्यवस्थित शिजवून घ्या. तयार आहे सोप्या पद्धतीमध्ये बनवलेली टोमॅटोची चविष्ट चटणी.