Fried Rice Recipe: फोडणीच्या भाताला द्या ‘या’ पद्धतीने युनिक फोडणी, चमचमीत पदार्थाने वाढेल जेवणाची चव

नेहमीच डाळभात किंवा पांढरा भात खाऊन कंटाळा आल्यानंतर काहींना काही नवीन खाण्याची इच्छा झाल्यास सोप्या पद्धतीमध्ये तुम्ही फोडणीचा भात बनवू शकता. चला तर जाणून घेऊया रेसिपी.

सकाळच्या नाश्त्यात कायमच तेच ठराविक पदार्थ बनवून खाल्लेले जातात. त्यात कांदापोहे, उपमा, शिरा आणि इडली, पराठा बनवला जातो. पण हे पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. बऱ्याचदा रात्रीच्या जेवणात भात शिल्लक राहिल्यानंतर त्याला फोडणी दिली जाते. फोडणीचा भात लहान मुलांपासून अगदी मोठ्यांपर्यंत सगळ्यांचं खायला खूप जास्त आवडतो. कांदा आणि लाल मसाल्याची फोडणी देऊन बनवलेला भात बनवला जातो. याशिवाय लहान मुलांच्या डब्यासाठी सुद्धा देऊ शकता. पांढऱ्या भाताला फोडणी देऊन तुम्ही वेगवेगळ्या पद्धतीने भात बनवू शकता. आज आम्ही तुम्हाला ;लसूण फोडणी देऊन फोडणीचा भात बनवण्याची सोपी रेसिपी बनवण्याची सोपी रेसिपी सांगणार आहोत. लसूण खाल्ल्यामुळे शरीराला भरमसाट फायदे होतात. यामुळे पदार्थाची चव वाढते आणि शरीराला सुद्धा भरमसाट फायदे होतात. चला तर जाणून घेऊया फोडणीचा भात बनवण्याची सोपी रेसिपी. (फोटो सौजन्य – istock)

कमी तेलाचा वापर करून सकाळच्या नाश्त्यासाठी झटपट बनवा सोया कटलेट, नोट करून घ्या झटपट रेसिपी

साहित्य:

• पांढरा भात
• लसूण
• मीठ
• लाल तिखट
• कांदा
• बटाटा
• मोहरी
• कढीपत्ता
• कोथिंबीर
• लिंबाचा रस

जेवणात तोंडी लावण्यासाठी झटपट बनवा आंबट गोड चवीची चिंच चटणी, २ ते ३ दिवस व्यवस्थित राहील टिकून

कृती:

• फोडणीचा भात बनवण्यासाठी सर्वप्रथम, खलबत्यामध्ये लसूण पाकळ्या, लाल तिखट, मीठ घालून बारीक ठेचून घ्या. यामुळे लसूण मसाल्यात मिक्स होईल.
• कढईमध्ये तेल गरम करून त्यात मोहरी, जिरं आणि कढीपत्त्याची पाने घालून मिक्स करा. त्यानंतर त्यात लाल मिरचीचे तुकडे घालून भाजा.
• त्यानंतर त्यात बारीक चिरलेला कांदा आणि बटाटा घालून व्यवस्थित मिक्स करा. बटाटा शिजण्यासाठी एक वाफ काढून घ्या.
• त्यानंतर त्यात बारीक ठेचून घेतलेला लसूण घालून व्यवस्थित भाजून घ्या. यामुळे फोडणीच्या भाताची चव अतिशय सुंदर लागेल.
• आवश्यकता वाटल्यास तुम्ही त्यात लाल तिखट सुद्धा टाकू शकता. त्यानंतर त्यात पांढरा भात टाकून मिक्स करा.
• भात मसाल्यांमध्ये मिक्स झाल्यानंतर बारीक चिरलेली कोथिंबीर घालून व्यवस्थित मिक्स करा.
• तयार आहे सोप्या पद्धतीमध्ये बनवलेला फोडणीचा भात. हा भात लोणचं किंवा पापडसोबत सुंदर लागेल.