सकाळचा नाश्ता होईल आणखीन चविष्ट! सोप्या पद्धतीमध्ये घरी बनवा कुरकुरीत टोमॅटो डोसा, वाचा रेसिपी

सकाळच्या नाश्त्यात नेहमीच काय बनवावं हा प्रश्न सगळ्यांचं पडतो. अशावेळी तुम्ही सोप्या पद्धतीमध्ये टोमॅटो डोसा बनवू शकता. तुम्ही बनवलेला टोमॅटो डोसा लहान मुलं अगदी आवडीने खातील. जाणून घ्या टोमॅटो डोसा बनवण्याची सोपी रेसिपी

भारतासह जगभरात सगळीकडे साऊथ इंडियन पदार्थ प्रसिद्ध आहेत. डोसा, इडली, मेदुवडा, उत्तपा, आप्पे इत्यादी अनेक साऊथ इंडियन पदार्थ बनवले जातात. सकाळच्या नाश्त्यात नेहमीच कांदापोहे, शिरा, उपमा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही झटपट टोमॅटो डोसा बनवू शकता. साऊथ इंडियन पदार्थांमध्ये अनेक वेगवेगळे पदार्थ बनवले जातात. तुम्ही बनवलेला टोमॅटो डोसा लहान मुलांपासून ते अगदी मोठ्यांपर्यंत सगळ्यांचं खूप जास्त आवडेल. टोमॅटो डोसा बनवण्यसाठी जास्त वेळ लागत नाही. नेहमीच सकाळच्या वेळी पोटभर नाश्ता करावा. नाश्ता केल्यामुळे आरोग्याला अनेक फायदे होतात, अन्यथा शरीराला हानी पोहचण्याची शक्यता असते. चला तर जाणून घेऊया टोमॅटो डोसा बनवण्याची सोपी रेसिपी.(फोटो सौजन्य – iStock)

सकाळच्या डब्यात नेमकं काय बनवावं सुचत नाही?मग सोप्या पद्धतीमध्ये बनवा शेवग्याच्या शेंगांची चविष्ट भाजी

साहित्य:

• टोमॅटो
• लाल तिखट
• मीठ
• जिऱ्याची पावडर
• तांदळाचे पीठ
• गव्हाचे पीठ
• रवा
• कोथिंबीर
• पाणी

रविवार होईल आणखीनच स्पेशल! दुपारच्या जेवणात बनवा चमचमीत पनीर चीज टिक्की, नोट करून घ्या रेसिपी

कृती:

• टोमॅटो डोसा बनवण्यासाठी सर्वप्रथम, टोमटो स्वच्छ धुवून बारीक चिरून घ्या. त्यानंतर मिक्सरच्या भांड्यात चिरून घेतलेला टोमॅटो,
• लाल तिखट आणि आल्याचा तुकडा, आवश्यकतेनुसार पाणी घालून पेस्ट तयार करा.
• त्यानंतर मोठ्या वाटीमध्ये तांदळाचे पीठ, गव्हाचे पीठ आणि चवीनुसार मीठ घालून मिक्स करा.
• नंतर त्यात रवा, लाल तिखट, टोमॅटोची पेस्ट, कोथिंबीर, जिऱ्याची पावडर, ओवा घालून डोसाचे मिश्रण बनवून घ्या.
• तवा गरम करून त्यावर तेल टाकून पसरवा. त्यानंतर वरून तयार केलेले मिश्रण टाकून डोसा बनवा.
• दोन्ही बाजूने डोसा व्यवस्थित भाजल्यानंतर चटणीसोबत खाण्यासाठी सर्व्ह करा.