थंडीच्या दिवसांमध्ये दुपारच्या जेवणात बनवा चटपटीत गरमागरम टोमॅटोचे सार, नोट करा सोपी रेसिपी

नेहमी नेहमी डाळ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही टोमॅटोचा सार बनवू शकता. आंबट गोड चवीचा टोमॅटोचा सार जेवणात असेल तर दोन घास जास्त जातील. जाणून घ्या रेसिपी.

थंडीच्या दिवसांमध्ये रोज काहींना काही गरम पदार्थ खाण्याची इच्छा निर्माण होते. नाश्त्यात, दुपारच्या जेवणात किंवा संध्याकाळच्या जेवणात काहींना काही गरम पदार्थ खाण्याची इच्छा सगळ्यांचं होते. अशावेळी नेमकं काय बनवावं हेच सुचत नाही. दुपारच्या आणि संध्याकाळच्या जेवणात नेहमी नेहमी डाळ किंवा आमटी खाऊन कंटाळा आल्यानंतर काहींना काही नवीन पदार्थ खाण्याची इच्छा निर्माण होते. अशावेळी तुम्ही सोप्या पद्धतीमध्ये टोमॅटोचा सार बनवू शकता. टोमॅटोचा सार हा पदार्थ अगदी लहान मुलांपासून मोठ्यांपर्यंत सगळ्यांचं खूप आवडतो. टोमॅटोचा सार जेवणात असेल तर दोन घास जेवण अधिक जातात. त्यामुळे आज आम्ही तुम्हाला टोमॅटोचा सार बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• टोमॅटो
• चिंचेचा कोळ
• मीठ
• लाल तिखट
• हिंग
• हळद
• मोहरी
• कढीपत्ता
• गरम मसाला
• कोकम
• लसूण

नवनवीन रेसिपीसाठी इथे क्लिक करा

कृती:

• टोमॅटोचा सार बनवण्यासाठी सर्वप्रथम, टोमॅटो स्वच्छ धुवून त्यांचे चार तुकडे करून घ्या. त्यानंतर पाण्यात उकळण्यासाठी ठेवा.
• पाण्याला उकळी आल्यानंतर टोमॅटो व्यवस्थित शिजतील. टोमॅटो शिजल्यानंतर थंड करण्यासाठी ठेवा.
• मिक्सरच्या भांड्यात उकडवून घेतलेले टोमॅटो आणि आवश्यकतेनुसार पाणी घालून बारीक पेस्ट तयार करा.
• टोपात तेल गरम करण्यासाठी ठेवून त्यात मोहरी, हिंग आणि बारीक ठेचून घेतलेली लसूण टाकून फोडणी भाजून घ्या.
• नंतर त्यात कढीपत्ता घालून लाल तिखट. हळद, गरम मसाला घालून चवीनुसार मीठ आणि पाणी टाकून उकळी येण्यासाठी ठेवा.
• टोमॅटोच्या साराला व्यवस्थित उकळी आल्यानंतर त्यात कोकम आणि कोथिंबीर टाकून मिक्स करा.
• तयार आहे सोप्या पद्धतीमध्ये बनवलेला टोमॅटोचा सार.