इडली- डोसासोबत खाण्यासाठी १० मिनिटांमध्ये बनवा उड्डपीस्टाईल सांबार, लहान मुलांसह मोठेसुद्धा आवडीने खातील

आज आम्ही तुम्हाला उड्डपीस्टाईल सांबार बनवण्याची सोपी रेसिपी सांगणार आहोत. तुम्ही बनवलेले सांबार घरातील सगळ्यांचं खूप जास्त आवडेल. कमीत कमी साहित्यात झटपट सांबार तयार होईल.

दक्षिण भारतात बनवले जाणारे पदार्थ जगभरात सगळीकडे खूप प्रसिद्ध आहेत. डोसा, इडली, उत्त्पम, आप्पे, सांबार इत्यादी अनेक पदार्थ सगळ्यांचं खूप आवडतात. सकाळच्या नाश्त्यात किंवा इतर वेळी भूक लागल्यानंतर आवडीने मेदुवडा सांबार खाल्ले जाते. हॉटेलमध्ये गेल्यानंतर अनेक लोक कायमच इडली सांबार किंवामेदुवडा सांबार खातात. पण बऱ्याचदा घरात बनवलेले सांबार हॉटेल सारखे लागत नाही. मसाले आणि सर्व साहित्य वापरून सुद्धा हॉटेलसारखी चव येत नाही. म्हणूनच आज आम्ही तुम्हाला उड्डपीस्टाईल सांबार बनवण्याची सोपी रेसिपी सांगणार आहोत. हे सांबार तुम्ही डोसा, इडली, मेदुवडा किंवा वाफाळत्या गरमागरम भातासोबत सुद्धा खाऊ शकता. आंबटपणा, गोडपणा, मसालेदार फ्लेवर वरून तयार केलेले सांबार घरातील सगळ्यांचं खूप जास्त आवडेल. चला तर जाणून घेऊया उड्डपीस्टाईल सांबार बनवण्याची सोपी रेसिपी.(फोटो सौजन्य: Pinterest)

ओल्या खोबऱ्याचा वापर करून झटपट बनवा मऊ लुसलुशीत खोबऱ्याची वडी, जि‍भेवर ठेवताच विरघळेल पदार्थ

साहित्य:

• तुरीची डाळ
• चिंच
• लाल तिखट
• सांबार मसाला
• मीठ
• तेल
• टोमॅटो
• कांदा
• गाजर
• भोपळा
• गूळ

सकाळच्या नाश्ता होईल आणखीनच मजेदार! १० मिनिटांमध्ये झटपट बनवा दही कबाब, नोट करा रेसिपी

कृती:

• उड्डपीस्टाईल सांबार बनवण्यासाठी सर्वप्रथम, कुकरमध्ये तुरीची डाळ घेऊन स्वच्छ धुवून घ्या. त्यानंतर त्यात पाणी घालून डाळ व्यवस्थित मॅश होईल अशी शिजवून घ्या.
• कढईमध्ये तेल गरम करून त्यात मोहरी, हिंग, भरपूर कढीपत्ता, सुकी लाल मिरची आणि मेथी दाणे टाकून व्यवस्थित भाजून घ्या.
• त्यानंतर त्यात बारीक चिरलेला कांदा, टोमॅटो घालून शिजवून घ्या. त्यानंतर त्यात चवीनुसार मीठ टाकून व्यवस्थित शिजवुन घ्या.
• भाज्या व्यवस्थित शिजल्यानंतर त्यात गाजर, भोपळा टाकून व्यवस्थित मिक्स करा आणि वाफेवर शिजवा.
• सर्व भाज्या शिजल्यानंतर त्यात तयार शिजलेली डाळ आणि आवश्यकतेनुसार पाणी घालून व्यवस्थित मिक्स करा.
• तयार केलेल्या मिश्रणात लाल तिखट, हळद, सांबार मसाला, चिंच पाणी आणि चवीनुसार गूळ घालून व्यवस्थित मिक्स करा.
• १० ते १५ मिनिटं मंद आचेवर सांबार शिजल्यानंतर वरून बारीक चिरलेली कोथिंबीर टाकून मिक्स करा.
• तयार आहे सोप्या पद्धतीमध्ये बनवलेले उड्डपीस्टाईल टेस्टी सांबार. सांबार तुम्ही कोणत्याही पदार्थासोबत खाऊ शकता.