अंगारखी चतुर्थीनिमित्त बाप्पाच्या नैवेद्यासाठी झटपट बनवा लोण्यासारखे मऊ उकडीचे मोदक, नोट करा पारंपरिक रेसिपी

गणपती बाप्पाला उकडीचे मोदक नैवेद्य म्हणून अर्पण केले जातात. पण बऱ्याचदा मोदक व्यवस्थित बनत नाहीत. म्हणूनच आज आम्ही तुम्हाला लोण्यासारखे मऊ उकडीचे मोदक बनवण्याची सोपी रेसिपी सांगणार आहोत.

जगभरात सगळीकडे गणपती बाप्पाचे भक्त आहेत. लवकरच गणपती बाप्पाचे आगमन होणार आहे. बाप्पाची मनोभावे पूजा करून प्रार्थना केली जाते. १२ ऑगस्ट रोजी अंगारकी चतुर्थी आहे. श्रावण महिन्यात येणारी अंगारकी चतुर्थी धार्मिक दृष्ट्या अतिशय महत्वाची मानली जाते. तब्बल १२ वर्षानंतर पहिल्यांदाच श्रावण महिन्यात अंगारकी चतुर्थी आहे. अंगारकी चतुर्थीच्या दिवशी बाप्पाचे भक्त उपवास करतात. याशिवाय बाप्पाच्या नैवेद्यासाठी पारंपरिक उकडीचे मोदक बनवले जातात. गणपती बाप्पाला उकडीचे मोदक फार आवडतात, असे मानले जाते. पण उकडीचे मोदक बनवताना तांदळाच्या पिठाची पारी व्यवस्थित तयार होत नाही, ज्यामुळे मोदकाला काळ्या नाही पडत. म्हणूनच आज आम्ही तुम्हाला पारंपरिक पद्धतीचा वापर करून लोण्यासारखे मऊ उकडीचे मोदक बनवण्याची सोपी रेसिपी सांगणार आहोत. या पद्धतीचा वापर करून मोदक बनवल्यास घरातील सगळ्यांचं खूप जास्त आवडतील. चला तर जाणून घेऊया मोदक बनवण्याची रेसिपी.(फोटो सौजन्य – istock)

श्रावण सोमवारी सकाळच्या नाश्त्यात झटपट बनवा साबुदाण्याचे कुरकुरीत खमंग पॉपकॉर्न! पाहताच क्षणी तोंडाला सुटेल पाणी

साहित्य:

• तांदळाचे पीठ
• ओल्या खोबऱ्याचा किस
• गूळ
• वेलची पावडर
• सुका मेवा
• तूप
• जायफळ पावडर
• पाणी

दिवसाची सुरुवात करा हेल्दी नाश्त्यासाठी! १० मिनिटांमध्ये झटपट बनवा हेल्दी पनीर सॅलड, नोट करा रेसिपी

कृती:

• लोण्यासारखे मऊ मोदक बनवण्यासाठी सर्वप्रथम, टोपात एक किंवा दीड ग्लास पाणी घेऊन गरम करून घ्या. पाण्याला उकळी आल्यानंतर त्यात तूप टाकून वाटीभर तांदळाचे पीठ टाकून चमच्याने सतत मिक्स करत राहा.
• तयार केलेल्या तांदळाच्या उकडवर झाकण ठेवून ५ मिनिटांपर्यंत वाफ घ्या. त्यानंतर गॅस बंद करून घ्या.
• कढईमध्ये तूप गरम करून त्यात सुका मेवा व्यवस्थित भाजून खोबऱ्याचा किस टाका आणि मिक्स करा. खोबर व्यवस्थित भाजून झाल्यानंतर त्यात किसलेले गूळ टाकून चमच्याने सतत मिक्स करत राहा.
• गूळ पूर्णपणे वितळल्यानंतर त्यात वेलची पावडर आणि जायफळ पावडर टाकून मिक्स करा. सर्व साहित्य व्यवस्थित मिक्स करून झाल्यानंतर गॅस बंद करा.
• तांदळाचे पीठ मोठ्या ताटात काढून पाणी लावून हलक्या हाताने मळून घ्या. पीठ व्यवस्थित मऊ झाल्यानंतर छोटे छोटे गोळे करून पारी तयार करा.
• तयार केलेल्या पारीमध्ये खोबऱ्याचे सारण भरून हाताने सुंदर काळ्या पडून चाळणीमध्ये वाफवण्यासाठी ठेवा.
• तयार आहेत सोप्या पद्धतीमध्ये बनवलेले लोण्यासारखे मऊ उकडीचे मोदक.