संकष्टी चतुर्थीच्या उपवासात सकाळच्या नाश्त्यासाठी सोप्या पद्धतीमध्ये बनवा वरीच्या तांदळाचे डोसे, नोट करून घ्या रेसिपी

बऱ्याचदा उपवासाच्या दिवशी नेमकं काय खावं? हे सुचत नाही. अशावेळी तुम्ही झटपट वरीच्या तांदळाचे डोसे बनवू शकता. वरीचे तांदूळ बाजारात सहज उपलब्ध होतात. जाणून घ्या डोसा बनवण्याची सोपी कृती.

संकष्टी चतुर्थीचा उपवास महिलांसह पुरुष देखील करतात. उपवासाच्या दिवशी सकाळच्या नाश्त्यात नेमकं काय खावं? असे अनेक प्रश्न सगळ्यांचं पडतात. साबुदाणा खिचडी, साबुदाणा वडा, बटाट्याची भाजी इत्यादी तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही वरीच्या तांदुळाचे डोसे बनवून खाऊ शकता. उपवास किंवा इतर दिवशी नेहमीच पौष्टिक नाश्ता करावा. कारण उपवासाच्या दिवशी शरीरातील पाणी कमी होण्याची शक्यता असते. त्यामुळे भरपूर पाण्याचे सेवन आणि पौष्टिक पदार्थ खाणे आवश्यक आहे. चला तर जाणून घेऊया वरीच्या तांदळाचे डोसे बनवण्याची सोपी कृती.(फोटो सौजन्य – iStock)

जेवणाला येईल खमंग चव! मराठवाडी पद्धतीमध्ये झटपट बनवा खोबरं- लसूण चटणी, नोट करून घ्या रेसिपी

साहित्य:

• वरीचे तांदूळ
• बटाटा
• साबुदाणा
• मीठ
• हिरवी मिरची
• आलं
• दही
• तूप

विना ओव्हन घरी बनवा मार्केटसारखा Cheesecake; फार सोपी आहे रेसिपी

कृती:

• वरीच्या तांदळाचे डोसे बनवण्यासाठी सर्वप्रथम, पॅन गरम करून त्यात साबुदाणे भाजून घ्या. साबुदाणे जास्त भाजू नये.
• त्यानंतर त्याच कढईमध्ये वरीचे तांदूळ सुद्धा भाजून घ्या .
• मिक्सरच्या भांड्यात भाजून घेतलेले साबुदाणे, वरीचे तांदूळ, हिरवी मिरची, आलं घालून बारीक पेस्ट तयार करून घ्या.
• त्यानंतर त्यात कुसकरून घेतलेला बटाटा टाकून पुन्हा एकदा पातळ पेस्ट तयार करा.
• तयार केलेली पेस्ट मोठ्या भांड्यात काढून त्यात चवीनुसार मीठ घालून मिक्स करा. याशिवाय त्यात आवश्यकतेनुसार पाणी घाला.
• डोसा बनवताना सर्वप्रथम पॅनवर तूप पसरवून गोलाकार डोसा काढून दोन्ही बाजूने व्यवस्थित भाजा.
• तयार आहे सोप्या पद्धतीमध्ये बनवलेला वरीच्या तांदळाचा डोसा.