त्वचेवरील नॅचरल ग्लो कायम टिकवून ठेवण्यासाठी आहारात करा ‘या’ पदार्थांचा समावेश, पिंपल्स- सुरकुत्या कायमच्या होतील गायब

चेहऱ्यावर आलेले पिंपल्स आणि सुरकुत्या कमी करण्यासाठी स्किन केअरसोबतच आहारात वेगवेगळ्या पदार्थांचे सेवन करावे. याशिवाय भरपूर पाणी आणि योग्य जीवनशैली फॉलो केल्यास त्वचा सुंदर होईल.

हल्ली सर्वच स्त्रियांच्या चेहऱ्यावर पिंपल्स, टॅनिंग, फोड येतात. पण चेहऱ्यावर आलेल्या पिंपल्स आणि इतर समस्यांकडे कायमच दुर्लक्ष केले जाते. पण वारंवार दुर्लक्ष केल्यामुळे त्वचेच्या समस्या आणखीनच वाढू लागतात. सूर्यप्रकाश, अयोग्य आहार, पुरेसे पाणी न पिणे, शारीरिक हालचालींचा अभाव, पोषक घटकांचा अभाव इत्यादी अनेक गोष्टींचा परिणाम शरीरासोबतच त्वचेवर सुद्धा लगेच दिसून येतो. खूप जास्त प्रमाणात जंक फूड, प्रक्रिया केलेले अन्नपदार्थ आणि वारंवार तेलकट पदार्थ खाल्ल्यामुळे शरीरासोबतच त्वचेला सुद्धा हानी पोहचते. चेहऱ्यावर आलेले पिंपल्स आणि फोड, टॅनिंग घालवण्यासाठी महिला कायमच बाजारात उपलब्ध असलेल्या महागड्या स्किन केअरचा वापर करतात. तर काहीवेळा स्किन ट्रीटमेंट सुद्धा करून घेतल्या जातात.(फोटो सौजन्य – istock)

भुवयांवरील केस विरळ झाले आहेत? मग स्वयंपाक घरातील ‘या’ पदार्थांच्या वापरामुळे केसांची होईल नॅचरली वाढ

वारंवार केमिकल ट्रीटमेंट आणि पार्लरमध्ये जाऊन केलेल्या उपायांमुळे त्वचा आणखीनच खराब होऊन जाते. त्वचेची काळजी घेण्यासाठी केवळ महागड्या ट्रीटमेंट नाहीतर आहारात बदल करणे सुद्धा तितकेच आवश्यक आहे. त्वचेची वरून काळजी घेण्यासोबतच आतून काळजी घेणे सुद्धा तितकेच आवश्यक आहे. आज आम्ही तुम्हाला चेहऱ्यावरील ग्लो वाढवण्यासाठी आहारात कोणत्या पदार्थांचे सेवन करावे, याबद्दल सविस्तर माहिती सांगणार आहोत. आहारात खाल्लेल्या पौष्टिक पदार्थांचा शरीरासोबतच त्वचेवर सुद्धा परिणाम दिसून येतो.

त्वचेवरील ग्लो वाढवण्यासाठी आहारात करा ‘या’ पदार्थांचा समावेश:

शरीरासोबतच त्वचेला सुद्धा जीवनसत्त्वे , खनिजे, आरोग्यदायी फॅट्स आणि अँटीऑक्सिडंट्सची आवश्यकता असते. यासाठी आहारात टोमॅटो, संत्री, शिमला मिरची, ब्रोकोली, स्ट्रॉबेरी आणि किवी इत्यादी पदार्थांचा समावेश करावा. या पदार्थांमध्ये विटामिन सी आणि अँटीऑक्सिडंट्स आढळून येतात. आवश्यक प्रमाणात विटामिन सी चे सेवन केल्यास कोलेजन तयार होण्यास मदत होते. अँटीऑक्सिडंट्स शरीराला फ्री रॅडिकल्समुळे होणाऱ्या नुकसानापासून बचाव करण्यासाठी विटामिन सी आणि इतर आवश्यक गुणकारी घटकांनी समृद्ध असलेल्या फळांचे सेवन करावे. बदाम आणि सूर्यफुलाच्या बियांमध्ये विटामिन ई मोठ्या प्रमाणावर आढळून येते.

त्वचेवर येईल नॅचरल ग्लो! चमचाभर गुळाचा वापर करून ‘या’ पद्धतीने तयार करा होममेड फेसपॅक, काळे डाग होतील नाहीसे

अक्रोड, चिया सीड्स आणि अळशीमध्ये ओमेगा-3 फॅटी ॲसिड आढळून येतात. ज्यामुळे त्वचेमधील ओलावा कायम टिकून राहतो. याशिवाय संपूर्ण धान्यांमधून प्रथिने, फायबर आणि इतर आवश्यक पोषक तत्वे शरीराला मिळतात. तसेच शरीरात वाढलेली उष्णता कमी करण्यासाठी दही, ताक आणि दूध इत्यादी थंड पदार्थांचे सेवन करावे. दुपारच्या जेवणानंतर नियमित ताक प्यायल्यास त्वचा आतून स्वच्छ आणि चमकदार होईल. याशिवाय आतड्यांचे आरोग्य सुद्धा कायमच सक्रिय राहण्यास मदत होईल. त्वचा निरोगी ठेवण्यासाठी केवळ स्किन केअरच नाहीतर आहारात पौष्टिक पदार्थांचे सेवन करणे सुद्धा तितकेच आवश्यक आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.